'Aldaketaren gobernua' sendotu egingo litzateke Nafarroan zein Iruñean
Euskal Irrati Telebistak (EiTB) egindako EiTB Focus ikerketaren arabera, udal hauteskundeak zein Foru Parlamenturakoak orain egingo balira, 'aldaketaren gobernua' sendotu egingo litzateke Iruñean zein Nafarroa osoan; horrenbestez, gobernatzen jarraitu ahal izango luke. Bestalde, UPNk lehen indarra izateari eutsiko lioke.
Gizaker enpresak herritarrei hainbat gairi buruz galdetzeko Euskal Autonomia Erkidegoan eta Nafarroan EiTBrentzat egin duen makroinkestan, Foru Erkidegoko 600 pertsonari (350 Iruñean eta 250 Nafarroako gainerako udalerrietan) galdetu diete euren boto-asmoaz, hiriburuko udalean zein Nafarroako Gobernuan legegintzaldiaren erdia bete denean.
Hartara, ikerketaren emaitzen arabera, egun Nafarroako Parlamentuan gobernatzen duen koalizioa indartu egingo litzateke bi parlamentari irabazita. Ondorioz, gehiengoa areagotuko luke eta gobernatzen jarraitu ahal izango luke.
UPNk lehen indarra izaten jarraituko luke, baina eserleku bat galduta. Geroa Bai ia 5 puntu igoko litzateke eta bi parlamentari irabaziko lituzke. Gobernu-hitzarmeneko beste hiru kideek ordezkari kopuru berarekin segituko lukete. Hala ere, EH Bildu eta Izquierda-Ezkerra hazi egingo lirateke botoen ehunekoari erreparatuta, eta Unidos Podemosek, berriz, behera egingo luke.
Foru Gobernuaren kudeaketari dagokionez, % 72,5ek ontzat jo dute horren jarduna, eta 10etik 5,6ko batez besteko nota merezi duela uste dute inkestatuek.
Halaber, Uxue Barkosen jardunari 10etik 5,9ko nota eman diote, eta galdetutakoen ia % 96k badaki nor den.
Azkenik, herritarrek 5eko notarekin baloratu Foru Gobernua osatzen duten laukoaren jarduna.
Iruñeko Udala
Aldaketaren Iruñeko udal gobernua hazi egingo litzateke boto-asmoari dagokionez, eta zinegotzi bat gehiago bereganatuko luke. EH Bilduk ere gora egingo luke, eta koalizioko gainerako indarrek, ordea, berdin jarraituko lukete.
UPNk lehenengo indarra izaten jarraituko luke, baina 3,2 puntu jaitsiko litzateke eta horrek ordezkari bat galtzea eragingo lioke. PSNk, berriz, handitu egingo luke boto-asmoa.
Iruindarrek batez beste 5,7ko nota eman diote egungo udal gobernuaren jardunari, eta biztanleen % 72,2k ontzat jo dute horren lana.
Joseba Asiron alkatea da hiriko politikari baloratuena; hain zuzen ere, Asiron eta Geroa Baiko Itziar Gomez dira nahikoa eskuratu duten bakarrak. Izquierda-Ezkerra alderdiko Edurne Eguinok nahikotik gertu geratu da, 4,7ko balorazioarekin. UPNko Enrique Maya eta PSNko Maite Esporrin politikariei 4ko nota eman diete. Aranzadiko Armando Cuenca da zerrendan azkena, 3,4 lortuta.
Fitxa teknikoa
Nafarroari buruzko datuak 600 pertsonari itaunduta lortu dira (350 Iruñean eta 250 Nafarroako gainerako udalerrietan), eta laginaren akats-tartea ±% 4,0koa izan da Nafarroan eta ±% 5,24koa Iruñean.
Lurraldea, udalerria, sexua eta adina kontuan hartuta banandutako ausazko lagina. Emaitza nagusiak galdekatutako udalerrien biztanleriaren arabera haztatu dira.
Landa-lana 2017ko maiatzaren 16tik 20ra egin da, telefono bidezko elkarrizketak eginez.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.