Erreferenduma gatazkaren 'konponbidea' dela uste dute EAJk eta EH Bilduk
Joseba Egibar Eusko Jaurlaritzako bozeramaile jeltzaleak baieztatu duenez, Katalunian iragarritako erreferenduma "guztiz demokratikoa" da, nahiz eta Espainiako Gobernuak ez duen egiten utziko.
Larunbatetan Radio Euskadin Legebiltzarreko bozeramaileek egiten duten solasaldian Egibarrek adierazi duenaren arabera, 2014ko azaroaren 9ko galdeketarekin gertatu ez zen bezala, Rajoyren Gobernuak "ez du urriaren 1ean inolako erreferendumik onartuko", ezta "galdeketa simulakrorik" ere.
Urriaren 1ean alde bakarreko galdeketa iragarri zuen Carles Puigdemont Kataluniako presidenteak, honako galdera honekin: "Nahi duzu Katalunia estatu independente izatea errepublika gisa?"
Bozeramaile jeltzalearen iritziz, erreferenduma "formula guztiz demokratikoa" da, "gatazkari argia eta konponbidea emango dion tresna" izateaz gain. "Hitzartuta egiteko borondate politikorik ez delako egon" egin behar izan dute horrela.
Iker Casanova EH Biludko parlamentariak, bere aldetik, "erabateko babesa" erakutsi dio erreferendumari. Casanovaren hitzetan, "inork ez du zalantzan jartzen" Katalunia "nazio bat" dela, Eskoziaren eta Kurdistanen antzera.
Elkarrekin Podemosek, berriz, Kataluniak iragarritako erreferenduma "zalantzan" jartzen duela adierazi du Jon Hernandez alderdi moreko ordezkariak, "ez duelako inolako bermerik, ez juridikorik, ezta nazioartekorik ere". Horrez gain, proposatutako galderak "jende asko kanpoan uzten duela" argudiatu du, ez direlako erantzuteko aukerekin identifikatuta sentitzen.
Jose Antonio Pastor PSE-EEko bozeramaileak erreferendumaren iragarpena "inora ez doan bidaiaren kronika" dela esan du. "Kataluniako independentisten jokabide txarra" kritikatzeaz gain, Espainiako Estatuarena ere salatu du, "ez bai ezertarako biderik eman".
Azkenik, Laura Garrido PPko legebiltzarkidearen esanetan, Mariano Rajoyk "eskua luzatuta" eduki duen arren, "elkarrizketarako bidea guztiz itxi" du presidente kataluniarrak. Ondoren gaineratu duenez, erreferenduma deitzeko "dekretua" dagoenean, "Estatuak legea bete dadin lan egingo du".
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.