Otegi: 'Iraultza kontserbadorearen aurrean EH Bildu da alternatiba'
EH Bilduren I. Kongresuan parte hartu duten militanteen % 84k Arnaldo Otegik proposatutako zuzendaritza talde berria babestu dute. Gauzak horrela, ondorengo kideek osatuko dute alderdi politiko horretako zuzendaritza berria: Arnaldo Otegik, Garikoitz Mujikak, Ainhoa Beolak, Koldo Castañedak, Maider Carrerek eta Josu Juaristik. Halaber, militante gehienek (% 93 baino gehiagok) dokumentu politikoaren eta estatutuen alde bozkatu dute.
EH Bilduk Bilboko Euskalduna Jauregian antolatu du larunbat honetan alderdiaren birsortze kongresua, orain arte izandako koalizio izateari utzi eta ahalmen exekutiboa duten organoak aukeratzeko.
Guztira 2.456 pertsonek parte hartu dute I. Kongresuan egindako bozketan. Militanteen % 84k (2.147) babesa eman diote Otegik proposatutako zuzendaritza talde berriari, % 10ek (267) kontra bozkatu dute eta gainontzeko % 5ek (132), aldiz, zuriz bozkatu dute.
Zuzendaritza berriari dagokionez, Arnaldo Otegi koordinatzaile nagusia izango da, Garikoitz Mujika zuzendari nagusia eta Koldo Castañeda Komunikazio arduraduna. Ainhoa Beola programa zuzendaria izango da, eta Maider Carrere Barne Antolaketako zuzendaria. Bestalde, Josu Juaristi EH Bilduko eurodiputatua Nazioarteko zuzendaria izango da.
Halaber, zuzendaritza talde berriaren mahaian lau hiriburuetako koordinatzaileak izango dira: Ibon San Saturnino (Araba), Asier Vega (Bizkaia), Unai Larreategi (Gipuzkoa) eta Jon Garai (Nafarroa). Gainera, aurreko koalizioa osatzen zuten talde bakoitzak ordezkari bat izango du mahai horretan.
Era berean, talde parlamentarioetako ondorengo koordinatzaile eta bozeramaileek parte hartuko dute bertan: Bakartxo Ruiz eta Adolfo Araiz (Nafarroa), Unai Urrizuno eta Maddalen Iriarte (Eusko Legebiltzarra) eta Marian Beitialarrangoitia (Kongresua/Senatua).
Ponentzia politikoak
Dokumentu politikoari dagokionez, 724 militantek alde bozkatu dute, 14k kontra eta 34k zuriz. Estatutuen bozketaren emaitzak oso antzekoak izan dira: aldeko 724 boto jaso dira, 15 kontra eta 34 zuriz.
Bestealde, Kontu Batzordeak aldeko 724 boto jaso ditu, 9 kontra eta 39 zuriz. Azkenik, Berme Batzordeak 705 militanteren babesa lortu du, kontrako 19 boto jaso ditu eta 43 militantek zuriz bozkatu dute.
"Kataluniaren bataila gurea ere bada"
Euskal Herriaren independentziaren aldeko aldarria egin du Arnaldo Otegik, eta Espainiar estatuak herritarrekiko "inolako erabaki politikorik hartzeko eskubiderik" ez duela azpimarratu du.
"Euskal Herrian iraultza kontserbadore bat dago martxan, eta EH Bildu da haren alternatiba", Otegiren hitzetan. "Guk iraultza kontserbadore horren aurrean jarriko dugu iraultza demokratikoa", gaineratu du.
"Euskal Herrian inork ez lioke babesik eman beharko Kataluniako herritarrei mehatxu egiten dien alderdi bati; galdeketa bat egiten uzten ez duena eta buruzagi politikoei mehatxu egiten diena", esan du Otegik.
Ildo horretatik, "Katalunian askatasunaren eta duintasunaren aldeko bataila" burutzen ari direla esan du, eta han egiten ari diren askapenaren bataila "Euskal Herriarena ere" dela esan du, "herrialdearen askatasuna jokoan" baitago.
Bere esanetan, denbora gehiago edo gutxiago iraun dezakeen arren, atzerapausorik ez duen prozesua da, bidean jartzen dituzten traben arabera.
Zure interesekoa izan daiteke
PPk zalantzan du gehiengo osoa Andaluziako hauteskundeetan, faborito nagusia bada ere
6.812.902 dira Andaluziako hauteskunde autonomikoetan botoa emateko eskubidea duten andaluziarrak —2022an baino 171.046 gehiago—. Parlamentua 109 diputatuk osatuko dute, eta 25 alderditako eta hiru koaliziotako hautagaitzak aurkeztu dira.
Barkosek iritzi dio itunpekoen inguruko akordio politikoa izango litzatekeela "egokiena"
Zehaztu du Geroa Baik ez duela jarrera aldatu 2015etik, alegia, "gobernu plural eta aurrerakoi baten aldeko apustua" egiten jarraitzen duela, eta akordio programatikoa dela irtenbidea. "Horretan ari gara lanean, hezkuntza kalitatea hobetzeko eta euskararen alde egiteko", nabarmendu du.
Anduezak dio EH Bilduk ez duela erantzunik euskal herritarren lehentasunetarako, "marketin kanpaina asko egin arren"
Eneko Andueza PSE-EEko idazkari nagusiak esan du EH Bilduk ez duela erantzunik euskal herritarren lehentasunei eta beharrei erantzuteko, "marketin kanpaina asko egin arren". Gainera, koalizio soberanistari leporatu dio "diagnostiko eta plan asko egin arren, ezer gutxi egitea benetako herri proiektu bat falta zaielako". Anduezak baieztatu du koalizio subiranista espezialista dela arazoak konpondu beharrean areagotzen, zaborraren kudeaketarekin, atez-atekoarekin, egin zuten bezala.
Eusko Jaurlaritzak "kea saltzen" duela salatu du Sumar Mugimenduak, eta inkesta bat egingo du herritarren "kezkak jasotzeko"
Sumar Mugimenduak salatu duenez, Eusko Jaurlaritzak "dena ondo doala esaten digu, baina kea saltzen ari zaizkigu". Hori dela eta, euskal herritarren "benetako kezkak" jasotzeko inkesta ireki bat martxan jarriko dutela iragarri du.
EH Bilduk 60.000 etxebizitza mobilizatzea eta eraikitzea proposatu du hamar urtean, horietatik 30.000 berriak
Etxebizitzaren aldeko aliantza publiko-komunitario handia iradoki du, arrazoizko prezioak bermatzeko, euskal erakundeek, banku-fundazioek eta borondatezko gizarte-aurreikuspeneko erakundeek (BGAE) osatua, eta, horrela, Araban, Bizkaian eta Gipuzkoan etxebizitza publikoa sustatzeko.
Hauteskundeak, Andaluzian: zer du jokoan alderdi bakoitzak M17an?
Gauerdian amaituko da hauteskunde kanpaina Andaluzian. Inkesta guztiek Juanma Moreno PPko hautagaia jotzen dute irabazle, baina ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin, azken unera arte ahalegindu nahi du azken urteotan galdutako boto-emaileak berreskuratzen.
Euskadiko zerga turistikoa 6 egunekoa izango da, eta etxebizitza turistikoak gehiago zergapetuko ditu
Podemosek zazpi zuzenketa adostu ditu EAJrekin eta PSE-EErekin, tasa turistikoa "progresiboagoa, malguagoa eta udalentzat erabilgarriagoa" izan dadin.
Pradalesek Osasun ministroari egotzi dio medikuen grebaren erantzukizuna
Monica Garcia Espainiako Gobernuko Osasun ministroa defendatzea aurpegiratu dio Imanol Pradales lehendakariak Jon Hernandez Sumarreko legebiltzarkideari, medikuen greba "berak eragindakoa" izan arren.
Etxebizitza planarekin lursailak eta etxebizitza pribatuak "desjabetu" nahi dituen argitzeko eskatu dio Pradalesek EH Bilduri
Imanol Pradales lehendakariak Eusko Legebiltzarreko kontrol saioan erantzun dio EH Bilduk etxebizitza eskuratzeko krisiari buruz egindako galderari. Pello Otxandianok esan duenez, etxebizitzaren alorrean "gauza asko egin behar dira", baina "nagusia" prezioak jaistea da, "errenta ertaineko langileei benetan eskuragarriak diren etxebizitzak" eskaintzeko.
Euskadin inbertsio ekonomiko iraunkorra arintzeko legea iragarri du Pradalesek
Ekimenaren helburua "autobide arautzaile bat" sortzea da, epe administratiboak legezko berme guztiekin murriztea eta herrialdearen garapen ekonomikorako lehentasunezkotzat jotzen diren proiektuak bizkortzea ahalbidetuko duena.