Presoen erabakia ontzat jo dute euskal alderdi gehienek
Euskal Preso Politikoen Kolektiboko (EPPK) presoek atzo iragarritako erabakia ontzat jo dute Eusko Legebiltzarrean ordezkaritza duten alderdi ia guztiek. Gehienek, hori bai, erabakia 'berandu' datorrela uste dute.
EAJ, EH Bildu, Elkarrekin Podemos, PSE-EE eta PP alderdietako ordezkariek 'Parlamento en las Ondas' Radio Euskadiko saioan aztertu dute, larunbat honetan, presoen erabakia. EPPKko presoen gehiengo zabalak, % 73k, kolektiboaren ibilbide orri berriaren alde egin du, eta kolektiboaren babespean espetxe onurak banan-banan jasotzea onartu du.
Josune Gorospe legebiltzarkide jeltzalearen arabera, presoek egindako urratsa "positiboa da", kolektiboak berak presoei jarritako "betoa" baliorik gabe uzten duelako. Pauso hori emateko "hainbeste urte" zergatik "galdu" diren galdetu du.
Era berean, preso horiek "hausnarketa kritikoa" egin behar dutela azpimarratu du, "haien ingurune politikoak lagunduta".
Julen Arzuagaren iritziz (EH Bildu), "urrats esanguratsua" da, ETAko presoek "xantaia, etengabeko presioak eta maniobra juridiko interesatuak jasan ostean" iritsi dena. Horren ondorioz, "erresistentzia egoeran egon behar izan dute".
Arzuagak defendatu duenez, Euskal Herriko kartzelatan egon izan balira, "erabaki hau lehenago eta modu biziagoan iritsiko litzateke". Orain, "legea eskuan, kartzelak hustutzeko bidea abiatzeko atea ireki" dela azpimarratu du, "kolektiboari babes teknikoa eta laguntza politiko zein instituzioanala" emanez.
Bestalde, Lander Martinez Elkarrekin Podemoseko bozeramailea pozik agertu da, ETAko presoak banan-banan aurrera egiteko erabakia hartu dutelako.
Dena den, espetxe onurak nola jasoko dituzten argitu behar dela nabarmendu du. Horrez gain, Martinezen aburuz, beharrezkoa da kolektiboak egindako mina onartzea eta iraganaren hausnarketa kritikoa egitea.
Jose Antonio Pastor sozialistak, bere aldetik, "positiboa" dela uste duen arren, "berandu iritsi" dela adierazi du. Ondoren, kartzela legediak bermeak ematen dituela azaldu du, banan-banan birgizarteratzeko aukera eskaintzen duelako, garai batean "Langraitz bideko" kideek egin zuten moduan.
"Albiste ona da. ETAk desegitea baino ez da geratzen ziklo beltz hau amaitzeko", defendatu du.
Azkenik, Laura Garrido popularrak uste du erabakia "oso berandu" heldu dela. Jarraian gaineratu duenez, "agerian geratu da ETA bera izan dela presoei kartzela onurak izatea ukatu diena".
"Orain arte ez dute onurarik izan, ETAk betoa jarri dielako. Espetxe politika bermatzailea da, eta legearen arabera ezartzen da. Gizarteak ETA desegitea nahi du orain", ondorioztatu du.
Zure interesekoa izan daiteke
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi dira ausazko kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.