Kataluniako erreferenduma babestea leporatu dio PPk EAJri
Urriaren 1ean Katalunian egitekoa den erreferendumari EAJk babesa eman izana "kezkagarritzat" hartu du Alfonso Alonso Euskadiko PPren presidenteak igande honetan. Ildo horretatik, alderdiaren barruan "ordena" berrezartzeko eta "erradikalen aurrean ez arrastatzeko" eskatu dio Iñigo Urkullu lehendakariari.
Halaber, galdeketa babestu eta "erabakitzeko eskubidea" aldarrikatzeko Gure Esku Dago plataformak larunbatean Bizkaiko hiriburuan egindako "ikuskizun kezkagarria" deitoratu du Alonsok. 'Demokrazia. Bozkatu erabakitzeko' lelopean, milaka lagun bildu ziren Bilboko kaleak zeharkatu zituen manifestazio horretan.
Euskadiko Alderdi Popularraren buruak gogora ekarri duenez, erreferenduma egiteko "ez dagoela beharrezko bermerik aitortu zuen" Urkulluk joan den astean. Hala dela benetan uste badu, independentistetatik urrundu, demokraziaren alde jarri eta bere alderdia atontzeko eskatu dio Alonsok.
Bilboko manifestazioan jeltzaleen ordezkaritza zabala ikusi izana "kezkagarritzat" hartu du Euskadiko PPren presidenteak. Besteak beste, Euskadiko hiru ahaldun nagusiak (Unai Rementeria, Ramiro Gonzalez eta Markel Olano) egon ziren erreferendumaren aldeko martxa horretan. Bertan izan zirenei "demokraziaren kontrako pankarta baten atzean" jarri izana leporatu die, eta haien presentziarekin "Katalunia arauditik kanpo jarri eta inolako bermerik ez duen prozesu subiranista bati legitimitatea" eman ziotela kritikatu du.
"Ahalegin handia egin behar dugu Euskadi prozesu horrekin kutsatu ez dadin, elkarbizitzari begira mehatxu bat baita", ohartarazi du Alonsok. Era berean, Kataluniak gaur egun bizi duen egoera politikoak "haustura eta porrota" ekar ditzakeela esan du, eta "Euskadin aspaldi zeharkatutako bidea" dela gaineratu du.
Hala, Euskadiko Alderdi Popularreko buruak "erantzukizunez" jokatzeko deia luzatu die jeltzaleei, eta hiru diputatuek atzoko manifestazioan parte hartu izana gogor kritikatu du. Bere aburuz, Rementeria, Gonzalez eta Olano "herritarrei men egin behar dieten erakundeetako ordezkariak dira", eta "independentisten aurrean arrastatzen uztea" aurpegiratu die.
Euskadiko PPren buruaren arabera, Katalunian gertatzen ari dena ez da soilik independentziarekin lotutako gauza bat, baizik eta "araudia alde batera utzi eta hausturaren alde agertzen direnak edo legeak errespetatu eta elkarbizitzaren alde lan egiten dutenekin zerikusia duen gaia da".
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.