Milaka unionista manifestatu dira Bartzelonan, Hispanitatearen Egunean
Milaka pertsonak (65.000, Udalaren arabera) bat egin dute Societad Civil Catalanak eta beste hamar erakundek deitutako manifestazioarekin, urriaren 12an, 'Katalunia bai, baita Espainia ere' lelopean. Espainiaren batasuna eta independentziaren gaitzespena aldarrikatu dituzte.
Martxa Gracia pasealekuan, La Pedrera eraikin aurrean, hasi dute, eta Katalunia plazan amaituko dute, eguerdi aldera. Manifestu bat irakurriko dute, bertan jarritako agertoki batean.
Manifestazioko buru honako hauek izan dira: PPko buruzagiak, besteak beste, Alberto Fernandez Diaz, Daniel Serrano eta Sergio Santamaria, Ciudadanosekoak, tartean, Ines Arrimadas, Jose Manuel Villegas, Jose Maria Espejo-Saavedra eta Carina Mejias. Besta erakunde politiko batzuen babesa ere izan dute, besteak beste, Vox eta Hazte oir.
Manifestatzaileek Espainiako eta Kataluniako banderak eraman dituzte, eta horietako askok kamiseta moreak jantzi dituzte, "errespetu" leloa aurrealdean idatzita zutela, atzealdean, aldiz: "Espainiarra gara. Lan egin, sufritu eta borrokatu egiten dugu".
Honako kontsigna hauek ere entzun ahal izan dira: "Ez engainatu, Katalunia Espainia da", "Puigdemont kartzelara", "Espainia bakarra da, eta ez 51", eta bibak Espainia, erregea eta Guardia Zibilari.
Igandean Espainiaren batasunaren alde Bartzelonan deitutako protestak 350.000 pertsona bildu zituen, Udaltzaingoaren arabera, eta milioi bat baino gehiago, SCCren arabera. Ostegun honetako manifestazioak ez duela zifra horiek errepikatzea nahi adierazi dute antolatzaileek.
Societat Civil Catalanaz gain, manifestazioa honako erakunde hauek ere deitu dute: Espanya i Catalans, Kataluniako Enpresariak, Hiri-Elkartasunak, Kataluniako Hiri-Bizikidetzak, Birsorkuntza Demokratikoa, U-12ko Hiri Mugimendua, Elebitasunaren aldeko Irakasleak, Espainia Eskuzabalak eta Oinezko espainiarrek.
Desfile militarra Madrilgo Castellana pasealekuan
Hispanitatearen Eguna dela eta, errege-erreginak izango dira Madrilen egingo den desfilearen buru, eta ia 4.000 militar egon dira, Guardia Zibileko eta Polizia Nazionaleko kideekin batera. Guztia ‘Espainiarrak izateaz harro’ lelopean egin dute; Defentsa Ministerioak aukeratu du edizio honetarako.
Hispanitatearen Eguneko desfilearen irudia. EFE
Desfilea 11:00etan hasi dute, errege-erregina iristearekin batera, eta ondoren, Espainiako bandera igo dute. Entseina zerutik iritsi da, Aireko Armadako Parakaidismoko Patruila Akrobatikoko kide baten eskutik. Errege Guardiako hiru kidek (bat Armada bakoitzetik), guardia zibil batek eta polizia nazional batek igo dute.
Desfilean 84 ibilgailu eta 3.900 militar inguru, guardia zibilak eta polizia nazionalak izan dira. Edizio honetan, geldialdiak nazioarteko misioetan parte hartzen ari diren militarren lana nabarmendu nahi izan du. Afganistan, Irak, Libano, Mali eta Atalanta Operazioan daudenen antzeko patruilak ordezkatu dituzte. Larrialdietako Unitate Militarrak, Guardia Zibilarenak eta, lehen aldiz, Polizia Nazionalarenak egon dira.
Felipe eta Letiziaz erre-erreginez eta Espainako Gobernuko kideez gain, autonomia erkideko guztietako presidenteak joan dira, Iñigo Urkullu lehendakaria eta Uxue Barkos Nafarroako presidentea izan ezik; Carles Puigdemont Generalitateko presientea ere ez da bertan izan.
Alderdi politikoetako ordezkariak ere izan dira, besteak beste, Albert Rivera Ciudadanoseko presidentea. Podemosen kasuan, Pablo Iglesias burua ez da izan; 2016an eta 2015ean ere ez zen joan.
Pilotu bat hil da lurrera erorita, desfilearen ostean
Hispanitatearen Eguneko Madrilgo desfiletik zetorren hegazkin b aten pilotua hil da Albaceten, lurrera erorita. Ezbeharraren nondik norakoak argitu gabe daude, baina Madriletik bueltan zetorrela lurrera erori da pilotatzen zuen eurofighter hegazkina.
Manifestazioak Hegoalden
Bestalde, Hegoaldeko hiriburuetan, Sortuk ostegun honetan manifestatzeko deia egin du, 'Demokrazia, Kataluniako independentzia-prozesuaren alde' lelopean.
Gainera, Bilbon, Amnistiaren Aldeko Mugimenduaren manifestazioa egingo dute, Espainiako Estatuko Segutasun Indarrak Euskaditik ateratzea eskatzeko.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.