CUPek Puigdemonten gutuna kritikatu du
CUPi ez zaio gustatu gaur Puigdemontek Rajoyri bidalitako gutuna: "Guk oso eskutitz ezberdina egingo genuke", esan du Mireia Boya alderdi antikapitalistak Kataluniako Parlamentuan duen diputatuak. Horren hitzetan, "errepublika aldarrikatu" beharko luke Generalitateak, luzamendutan ibili barik.
Catalunya Radion egin dioten elkarrizketan Boyak nabarmendu duenez, independentzia berehala aldarrikatzea da Espainiako Gobernua elkarrizketarako prest egoteko "modu bakarra". "Dena negoziatu behar da, beti, baina subjektu politiko moduan aitortzen gaituztenean, errepublika behin aldarrikatu ostean", azaldu du.
Boyaren esanetan, CUPek ez zuen gutunaren edukia ezagutzen, ez baitiote galdetu ere egin: "CUPek seriotasun nahikoa agertu du tamaina honetako erantzun baten berri emateko".
Adierazi duenez, CUPeko kideak ez dira Puigdemontekin bildu astearteko bilkuratik. Junts Pel Si alderdiko eta Gobernuko kideekin "bilerak" egin dituztela aitortu du, baina gutunaren "lerro nagusiez" baino ez dute hitz egin. "Dena oso itxia izan da", kritikatu du Boyak.
CUPeko ordezkariak argitu du euren taldeak "errepublika aldarrikatzeko" bilkura bat egitea proposatuko du.
ERCk, berriz, Puigdemonten estrategia babestu du
Bestelako tonu batean mintzatu da Marta Rovira ERCko idazkari nagusia. Nabarmendu duenez, Puigdemontek bidalitako gutunaren "estrategia eta edukia" babesten du bere alderdiak, elkarrizketa eta negoziazioaren alde dauden neurrian.
TV3 telebista kateari egindako elkarrizketan, Puigdemontek ezarritako epea (bi hilabete) egokia dela esan du Rovirak, eta presidenteak negoziazio bidea "lehenetsi" izana txalotu du.
"Nazioartetik lasterbiderik ez hartzeko erregua heldu zaigu, elkarrizketari epe bat utzi behar diogula esan digute. Espero dut epe horretan Espainiako Gobernuak keinu argiak egitea", adierazi du, eta adibidea jarri du: "Ideia politikoak defendatzeagatik jasaten ari garen mehatxu etengabea geldiarazi beharko luke".
Horrez gain, "Fiskaltzari orain arte emandako agindua aldatzea eta horrek egia ez diren txostenak egiteari uztea" espero du Rovirak. ERCko buruzagiaren ustez, "jazarpen politiko argia dago gure kontra".
Espainiako Gobernuak Konstituzioaren 155. artikuluari bide ematea erabakiko balu, "legez kontra" arituko litzatekeela ohartarazi du Rovirak, "autonomia estatutua guztiz baliogabetuta".
baliogabetuta".Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.