Sanchez: '155.a aktibatzea Puigdemonten erabakiaren araberakoa izango da'
Pedro Sanchez PSOEko idazkari nagusiak igande honetan adierazi duenez, "Kataluniaren arazoa ez da Espainia; arazoa bere agintari kaskarrak dira, politika egiteko gizartearen banaketa, lurraldeen arteko istiluak eta legez kontrako jarrerak erabiltzen dituztenak".
Madrilgo PSOEren Kongresuaren itxiera ekitaldian, Sanchezek adierazi du Europako Konstituzio guztiek dituztela "155. artikulu propioa", "batasuna hausteko asmoz" egindako "aldebakarreko erasoei" aurre egiteko.
Hala ere, gaineratu du "Espainian 155.artikulua aktibatzen bada Carles Puigdemont Generalitateko presidentearen azken erabakiaren menpe" egongo dela.
PSOEko buruzagiaren arabera, "Espainiako politikaren historian eta bereziki Katalunian ez da inoiz egon autogobernu hain bizi eta sakonik 1978ko Konstituzioak onartu duena baino".
Halaber, gaineratu du inork ez duela "hainbeste egin Kataluniako autogobernuaren kontra sezesionismoak baino". Horri lotuta, esan du ezkerrak ez duela zerikusirik Kataluniako sezesionismoarekin.
Alderdi sozialista PPren dagoela diotenei ere erantzun die Sanchezek, eta esan du PPko kideek Espainiaren ideia "erabat ezberdina" dutela. Hori bai, egon badagoela batzen dituen zerbait: "Lurraldearen batasunaren defentsa".
Bere hitzaldian, Sanchezek Konstituzioaren erreformari egin dio aipamen, eta erreformaren inguruko eztabaida "behetik gora" egitea proposatu du, gazteek parte hartu dezaten.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.