Junquerasek eta 8 kontseilari kargugabetuek lehen gaua eman dute kartzelan
Oriol Junqueras kargugabetutako presidenteordea eta zortzi kontseilari kargugabetuek lehen gaua igaro dute kartzelan, Carmen Lamela Auzitegi Nazionaleko epaileak bermerik gabeko espetxeratzea agindu eta gero. Matxinada, sedizioa eta diru publikoa bidegabe erabiltzea egotzi die auto gogor batean.
Zazpi gizonak Estremerako kartzelan sartu dituzte, eta emakumeak, Alcala Mecon, biak Madrilen.
Santi Vilak espetxean eman du gaua, baina gaur bertan aterako da bertatik, horren abokatuak 50.000 euroko bermea ordaindu baitu.
Bitartean, Lamela epaileak nazioartean bilatu eta atxilotzeko agindua eman dezake gaur Carles Puigdemonten eta Bruselan diren lau kontseilari kargugabetuen kontra .
Horren kontura, Paul Bekaert Puigdemontek Belgikan duen abokatuak VRT telebista kateari bart esan dionez, Espainiak jada eman du bere bezeroaren eta lau kontseilari kargugabetuen aurkako euroagindua. Bekaerten hitzetan, presidentearen ustez "ez da deklaratzeko unerik egokiena" eta "hobe da distantzia hartzea", baina Puigdemontek justiziari ihes egiteko asmorik ez duela berretsi du.
Euroaginduaz galdetuta, Belgikako Fiskaltzak esan du zain dagoela eta legea beteko duela.
Horrez gain, Lamelaren beste erabaki bat mahai gainean izango du Auzitegi Nazionalaren Zigor arloko Salako bigarren sekzioak. Izan ere, Jordi Sanchez eta Jordi Cuixart ANC eta Omnium Cultural elkarteetako presidenteen kartzelatzea aztertu behar dute, apelazio bista batean. Abokatuek Sanchez eta Cuixart aske uzteko eskatuko dute, eta Fiskaltzak kontrako argudioak emango ditu "ihes egiteko arriskua eta delituak berriro egiteko eta frogak suntsitzeko aukera" handiak direlako.
Junquerasek PSOE/PSCren jarrera kritikatu du
ARA egunkariak Oriol Junqueras presidenteorde kargugabetuaren iritzi artikulua kaleratu du gaur, "Lan egin dezagun askatasuna irabazteko" izenburupean. Agirian, 155a ezartzeko PPk PSOE/PSCren aldetik izan duen "erabateko konplizitatea" salatu du. "PSC PPri buru-belarri emanda egon izan ez balitz, ez geundeke kartzelan, Jordiak ere ez", kritikatu du.
Horrez gain, "batuta" egoteko deia egin die alderdi eta erakundeei: "Defenda dezagun demokrazia, eskubide zibil eta politikoak defendatzeko antola gaitezen, lan egin dezagun askatasuna irabazteko eta Kataluniako herritar guztien eskubide politiko eta zibilak errespeta daitezen".
Junqueras atzo, Auzitegi Nazionalera heltzean. Argazkia: EFE
Greba orokorra deitu dute azaroaren 8rako
Protestek ez dute etenik kalean. Gaur hainbat errepide itxi dituzte manifestariek, besteak beste, Bartzelonako Kale Nagusia eta A-2 autobidea. Horrez gain, Bartzelona eta Valles arteko trenbide zerbitzua etenda egon da minutu batzuetan Sant Cugaten (Bartzelona), herri horretako Errepublika Babesteko Batzordeak deitu duen manifestazio bat tarteko. Arranek (CUPen gazte mugimendua) deitu ditu protestetako batzuk.
Atzo arratsaldean dozenaka elkarretaratze egin zituzten Bartzelonan eta hiri nagusietan. Gauean, 22:00etan hasita, lapiko jotzeak izan dira nonahi.
Halaber, Intersindical CSCk greba orokorra deitu du Katalunian azaroaren 8rako. "Eskubide sozialek atzera egin" dutela eta 155 artikuluaren aplikazioa salatzeko deitu dute lanuztea.
Bestalde, Bartzelonako Udalak adierazpena onartu du ostiral honetan eskari argi bat egiteko: "Segituan aske uzteko preso politiko guztiak; horixe dira, preso politikoak, nahiz eta beti era baketsu eta demokratikoan eta hautetsontzien aginduari jarraituz jardun izan duten". Udalbatzak adierazpen instituzionala adostu du, eta hauek eman dute horren aldeko botoa: BComu, Democrata taldea, ERC, CUP eta Gerard Ardanuy zinegotzia.
Kataluniako Udalen Elkarteak (ACM, katalanez) eta Independentziaren aldeko Udalen Elkarteak (AMI, katalanez) bilera egingo dute 13:00etan, zein pauso eman adosteko.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.