A21ean parte-hartze 'handia' izatea eskatu du Rajoyk, aro berri bat hasteko
Abenduaren 21eko Kataluniako hauteskundeetan "masiboki parte-hartzeko" deia egin du Mariano Rajoy Espainiako Gobernuko presidenteak, "aro berri bat irekitzeko", "elkarbizitza eta normaltasuna" berreskuratzeko eta Kataluniako susperraldi ekonomikoa sustatzeko.
Rajoy Espainiako Gobernuko presidentea oposizioaren galderei erantzuten ari da gaur Diputatuen Kongresuko kontrol saioan, eta horrela erantzun dio Margarita Robles PSOEko bozeramaileak Kataluniako egoera politikoari nola aurre egingo dion galdetu ostean.
Jendea Kataluniako hauteskundeek duten garrantziaren jakitun izatea espero du Rajoyk, eta Kataluniako ekonomiari buruzko datu "kezkagarriak" daudela azpimarratu du.
Kataluniako auzia hauteskundeekin konponduko dela pentsatzea akatsa dela erantzun dio Margarita Roblesek Mariano Rajoyri, eta "politika egiteko" eta "Katalunia barne hartuko duen Espainia" baten alde lan egiteko eskatu dio. Halaber, sozialistek elkarrizketaren aldeko apustu "irmoa" egiten dutela esan dio.
Mariano Rajoyk nabarmendu duenez, elkarrizketaren alde dago, betiere legearen barruan egiten baldin bada. Horrez gain, abenduko hauteskundeen ostean "urak beren bidera" etorriko den itxaropena agertu du.
"Datorren urtearen hasieratik aurrera, gauzak bere onera etortzea eta joko-arau eta elkarbizitza arauak errespetatzea espero dut", adierazi du. Halaber, helburu hori lortzeko bidean sozialistek "rol oso garrantzitsua beteko dute", horren ustez.
Bestalde, talde sozialistaren ekimenez datorren astean Diputatuen Kongresuan eratuko den Estatu Autonomikoari buruzko ebaluazio batzordea "lan egiteko eta etorkizuna eraikitzeko erabilgarria" izatea espero du.
Zure interesekoa izan daiteke
Hitz gogorrak izan dituzte Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta hark erantzun dio alderdiaren sortzailea "torturatu eta erbesteratu zuen diktadurako gobernuaren" parte zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".