Siglarik gabeko eta independentziaren aldeko zerrenda bateratua proposatu dute
Abenduaren 21eko hauteskundeetarako siglarik gabeko hautesle elkartea sortzea proposatu du independentziaren aldeko zerrenda bateratua osatzearen alde dagoen herritar talde batek. Zerrenda horretan alderdietako ordezkariak, herritarrak, hautetsiak eta "preso politikoak" bildu nahi dituzte.
Zerrenda bateratuaren alde dauden Llistaunitaria.cat eta Respublica.cat plataformetako ordezkariek gaur goizean aurkeztu dute ekimena Bartzelonako Ateneoan, eta bertan izan dira, besteak beste, Francesc de Dalmases kazetaria, Aurora Madaula historialaria, Toni Morral Cerdanyolako alkate ohia, Pere Puges ANCko sortzaileetako bat dena eta Ferran Mascarell kargugabetutako Kataluniako Gobernuaren ordezkaria Madrilen.
Aurkezpena egin duten aretoko lehen ilarako aulkiak hutsik utzi dituzte eta kartzelan zein atzerrian dauden Kataluniako Gobernuko eta Kataluniako Parlamentuko kide kargugabetuen izenak jarri dituzte. "Ez litzateke ulertuko denak batera ez aurkeztea; zentzugabea eta kontraesankorra litzateke preso batzuen eta beste preso batzuen zerrenden artean aukeratu behar izatea", azpimarratu du.
Ekimenaren bultzatzaileek 55.000 sinadura behar dituzte azaroaren 17a baino lehen, hautesle elkartea erregistratu ahal izateko.
Urriak 1 hautagaitza bateratua izena jarri diote zerrendari, eta bertara batzeko deia egin diete alderdi politikoei, alkateei eta gizarte zibileko ordezkariei.
Halaber, hiru puntuko hauteskunde programa proposatzen dute: Espainiako Konstituzioaren 155. artikulua aplikatzeari uztea eta autogobernua berreskuratzea, kartzelan daudenak aske uztea eta prozesu konstituziogilea abiatzea.
Azaldu dutenez, hautesle elkartea eta programa "sinatzaileena izango da", baina zerrenda hori alderdien esku utziko dute "hautagaiak eta kideak proposa ditzaten". Oraingoz PDeCAT, ERC eta CUP ez dira ados jarri, baina ekimenaren sustatzaileen iritziz, oraindik posible da ados jartzea. Gaineratu dutenez, beraiek zerrenda eta mekanismoak jartzen dituzte eta alderdiek ordezkariak bakarrik jarri beharko lituzkete.
Azkenean independentismoaren aldeko zerrenda bateratua egongo dela uste dute, hori baita, beren esanetan, "155. artikuluak inposatutako hauteskundeei duintasunez aurre egiteko modua".
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.