Omnium eta ANC, Gorenaren autoari buruz: 'Bete ditzagun hautetsontziak askatasunez'
Gorenak hala erabakita kartzelan jarraitu beharko dute Oriol Junquerasek, Joaquim Fornek eta bi 'Jordiek'. Erabaki horrengatik "amorrua" adierazi nahi izan du gaur Omnium Cultural elkarte subiranistak, eta haserre hori eraldatzeko deia egin die herritarrei: "Bete ditzagun hautetsontziak askatasunez abenduaren 21ean". ANCk auziaren kutsu politikoa nabarmendu du.
Marcel Mauri Omniumeko bozeramaileak Twitter bidez kritikatu du Pablo Llarena epailearen erabakia: "Bihur dezagun haserrea gizarte justu eta batua eraikitzeko energia, eta, batez ere, bete ditzagun hautetsontziak askatasun botoz". Preso politikoak etxera itzuli arte "atsedenik" ez dutela hartuko erantsi du Maurik.
Agusti Alcoberro ANCko presidenteordeak ere Twitter erabili du bere mezua helarazteko. Horren hitzetan, "oso argi dago hau auzi politikoa dela".
Erabakiaren aurkako jarrera erakusteko bilkurak deitu dituzte Kataluniako udaletxe guztietan, 20:00etan.
Carles Puigdemont presidente eta JxCat alderdiko zerrendaburuak Bruselako instrukzio epailearen aurrean deklaratu behar izan du gaur, baina tartea hartu du Llarenaren autoa salatzeko. Izan ere, alderdiak kaleratutako mezu bat bertxiokatu du. Txioan preso politikoen askatasuna aldarrikatu eta "etxera bueltatu arte lanean" jarraituko dutela azpimarratu dute.
ERCk ere Twitterren bota du bere iritzia: "Espainiako Estatuak injustizia berri bat egin du. Oriol Junqueras, Joaquim Forn, Jordi Cuixart eta Jordi Sanchez, etxean nahi zaituztegu, libre nahi zaituztegu".
Oso bestelakoa izan da Albert Rivera Ciudadanos alderdiko presidentearen balorazioa. Riverak adierazi duenez, bere alderdiak "errespetatu" egiten ditu "beti" epaileen erabakiak, ez alderdi independentisten moduan: "Guk ez ditugu epaileak presionatzen, ez dugu Kataluniako Auzitegi Nagusia inguratzen eta ez ditugu fiskalak estutzen".
Riveraren esanetan, batzuek "demokraziari kolpea eman nahi izan diote, eta justiziak independentziaz erantzun behar du, interes politikoak gorabehera".
Antzeko adierazpenak egin ditu Ines Arrimadas Ciudadanosen zerrendaburuak. Horren ustez, "epaileek esku hartze politiko barik egin behar dute lan".
Miquel Iceta PSCko buruaren ustez, aldiz, "albiste txarra" da Junqueras, Forn, Sanchez eta Cuixart kartzelan mantentzea. Icetak esan du bera beti egon dela buruzagi independentistak badaezpadako kartzelaldian edukitzearen kontra.
Llarenaren erabakiaren kontra mintzatu da Xavier Domenech CatECP alderdiaren Presidentetzarako hautagaia. "Ez da batere bidezkoa badaezpadako espetxeratze horiei eustea, ez zituzten inoiz kartzelan sartu behar", deitoratu du Twitterren botatako mezu batean.
Xavier Garcia Albiol PPCko presidenteak ontzat hartu du Gorenaren erabakia. Horren hitzetan, "erabakiak agerian utzi du Konstituzioa ez dela luza tenkatu daitekeen txikle bat". Junquerasek epaileari esandakoari erreferentzia egin dio, horrenbestez, buruzagi 'popularrak'. Presidenteorde kargugabetuak Llarenaren aurrean adierazi ei zuenez, "Konstituzioa nahikoa malgua da Kataluniaren subiranotasuna baimentzeko".
CUPek ere Twitter erabili du Llarenaren erabakia kritikatzeko. "Ezein isunek, ezein bermek, bidezkoa ez den ezein auzik eta ezein errepresio sistemak ezin du duintasuna geldiarazi. Preso politiko guztiak aske, baldintzarik gabe", aldarrikatu dute txio batean.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.