Garcia Albiol: 'PPCrentzako eta Kataluniaren etorkizunarentzako egun txarra da'
"PPCrentzako eta Kataluniaren etorkizunarentzako egun txarra da", onartu du Xavier Garcia Albiol Kataluniako Alderdi Popularraren (PPC) zerrendaburuak hauteskundeetako emaitzen berri izan ondoren.
"Independentismoaren alternatiba izateko, gehiengo bat osatzeko ez gara gai izan", deitoratu du Kataluniako PPren buruzagiak.
Ciudadanos zoriondu ostean, pozak bost minutu iraungo diela eta oposiziora igaroko direla adierazi du. "Batzuek euren garaipena bost minututan ospatuko dute, baina Katalunia galtzen atera da", ohartarazi du Ciudadanosi erreferentzia eginez.
PPCk zenbaketa jarraitu duen hotelean agerraldia egin du Albiolek, kazetarien galderarik onartu barik. Kataluniako Alderdi Popularrak lortu dituen hiru diputatuak emaitza oso txarra dela onartu du buruzagiak: "Ezin gara harro sentitu, ez da gutxiagorik ere".
Albiolen PPk 3 diputatu eskuratu ditu Kataluniako hauteskundeetan, historiako emaitzarik okerrena Kataluniako hauteskundeetan; izan ere, azken alderdia da, CUPen atzetik. Are gehiago, PPCk ez du talde propiorik izango Parlamentean, nahiz eta Mariano Rajoy Espainiako Gobernuko presidenteak hauteskunde-kanpainako zazpi ekitalditan parte hartu.
Zure interesekoa izan daiteke
Zenbat kobratuko dut hauteskunde-mahai batean parte hartu behar baldin badut?
Behin-behinean espetxera bidali ditu epaileak terrorismo delitua egotzita Irunen atxilotutako bi lagunak
EAJren oinarriek asteazkenetik aurrera bozkatuko dituzte Batzar Nagusietarako hautagaitzak, Mendoza, Bengoetxea eta Gonzalez ahaldun nagusigai direla
Hondamendi eremu izendapena iragarri du Sanchezek Valentzian eta “herrialde mailako akordioa” eskatu du etorkizuneko larrialdietarako
Bizikidetzarako bidera batzeko deia egin die Jaurlaritzak "zor morala" dutenei
Anduezak ez du uste Irungo atxiloketen atzean "Euskadira indarkeria itzultzeko hazia" dagoenik
Olarra Guridi ETAko presoari hirugarren gradua ematearen kontra egin du Fiskaltzak
Etxanobek militantziaren esku utzi du bere hautagaitzari buruzko erabakia, bihar hasiko den barne prozesuan
Auzitegi Gorenak amnistia aplikatu die Junqueras, Bassa, Turull eta Romevari
