Erreakzio politikoak, Urkulluren urte amaierako hitzaldiaren aurrean
Urte amaieran Iñigo Urkullu lehendakariak eskaini ohi duen diskurtsoan esan duenez, 2017an, "Euskadi hazi egin da, eta enplegu aukera berriak sortu dira". Urte berriari begira, "hazten jarraitu nahi dugu", azpimarratu du, bost mugarri abiapuntutzat hartuta, hala nola, "hazkundea, kalitatezko enplegua, babes sozialaren sistema bermatzea, Giza Eskubideen kultura, eta autogobernuan sakontzea".
Eusko Legebiltzarrean ordezkaritza duten alderdiek lehendakariaren diskurtsoa baloratu dute:
EAJ
Joseba Egibar EAJren Gipuzkoako presidenteak Kataluniako auzira jo du lehendakariaren diskurtsoa baloratzeko, eta esan du Mariano Rajoyren Gobernuak "bere estrategia politiko-judiziala desaktibatu" behar duela "normalizazioaren bideari eutsi ahal izateko". Egibarren esanetan, Kataluniako buruzagi politikoak aske geratu beharko lirateke, eta Carles Puigdemont inbestidura saio batera aurkeztu beharko luke, "normaltasunez".
EH Bildu
Iker Casanova EH Bilduren legebiltzarkidearen hitzetan, Urkulluren hitzaldia "Eusko Jaurlaritzaren eguneroko politikarekiko kontraesankorra da, kalitatezko enplegua aldarrikatzen duen bitartean, prekarietatea elikatzen baitu". Gainera, Casanovak leporatu dio Urkulluri autogobernu gehiagoren alde egiten duela, baina aldi berean "Estatutua bete ez duten alderdiekin akordioak lotzen" dituela.
Ahal Dugu
Andeka Larrea Ahal Duguren Komunikazio idazkariak lehendakariaren hitzak kritikatu ditu, esanez Urkullu "Euskadi ordezkatzen duen fantasia-oasi batean bizi" dela, "bere buruari inolako kritikarik egin gabe, gainera". Larrearen hitzetan, lehendakariaren hitzaldiak "hitz eta asmo onak ditu, baina aipatu gabe utzi ditu industria-krisia, euskal gazteriaren erbesteratzea eta indarkeria matxistaren gorakada kezkagarria".
PSE-EE
Jose Antonio Pastor PSE-EEk Eusko Legebiltzarrean duen bozeramaileak, berriz, "akordioen bidea" jorratu behar dela azpimarratu du, herritarren arazoetarako "komuneko konponbideak aurkitzeko". Pastorrek iragarri duenez, PSEk, EAJren gobernu-bazkideak, akordioak suspertuko du berriro 2018an zehar, euskal herritarren egoera ekonomikoa, enplegua, zerbitzu publikoen kalitatea (osasuna eta hezkuntza, besteak beste) hobetzeko asmoz.
PP
Bestalde, lehendakariaren "autokonplazentzia" deitoratu du Amaya Fernandez Euskadiko PPko idazkari nagusiak. Horren esanetan, "datuek erakutsitako eta euskal herritarren benetako arazoen errealitatetik oso urrun dago". Buruzagi popularrak ohartarazi duenez, hazkundea eta egonkortasuna "posible izango dira bakarrik izpiritu kritikoari eutsita".
Zure interesekoa izan daiteke
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.