Kataluniako Gobernua eratu ostean aurrekontuak onartuko direla uste du De Guindosek
Generalitateko Gobernu berria eratzen denean, EAJk Espainiako Aurrekontu Orokorrak babestuko dituela uste du Luis de Guindos Ekonomia ministroak. Bere esanetan, Espainiako Gobernuaren 2018ko kontuak aurrera ateratzea "guztioi interesatzen zaigun gauza" da.
Ekonomia ministroaren iritziz, Kataluniako egoerak aurrekontuen negoziazioa "baldintzatu" du. Hala, abenduaren 21eko hauteskundeen ostean eratzen den Gobernu berriaren harira, EAJ aurrekontu orokorrak negoziatzeko "prest" agertuko dela uste du. Ekonomia ministroak esan duenez, "saskia egiteko zume nahikoa dago".
Ildo horretatik, hurrengo hiruhilekoetan langabezia-tasak beherakada "nabarmena" izango duela aurreikusi du de Guindosek. Zehazki, milioi erdi langabe gutxiago egongo direla esan du Ekonomia ministroak.
Testuinguru horretan, aurten ekonomiaren "susperraldi jarraitua" espero duela azaldu du de Guindosek. Halaber, "soldaten egoera normalizatzen" hasi dela aurreikusi daitekeela gaineratu du.
Sortutako lanpostu berrien lan baldintzei dagokienez, lan erreforma aldatzeko beharrik ez dagoela ziurtatu du Ekonomia ministroak. Bere esanetan, langileen malgutasuna kontuan hartzen du erreforma horrek. Hala, 2008an behin-behineko hitzarmena sinatu zuten langileen tasa gaur egungoa baino altuagoa zela esan du.
Mila milioi euroko eragina
Bestalde, Kataluniako prozesu independentistak 2017ko azken lauhilekoan izan duen eragin ekonomikoa mila milioi euro ingurukoa izan dela ziurtatu du De Guindosek .
Ekonomia ministroak azaldu duenez, azken lauhilekoan Kataluniako Barne Produktu Gordinak (BPG) lau edo bost hamarren egin zuen behera. De Guindosen hitzetan, 200.000 eurokoa izan zen.
Arrazoi horregatik, Kataluniako egoera politikoak mila milioi euro inguruko eragin ekonomikoa izan duela ondorioztatu du. Bere aburuz, prozesu independentistarekin aurrera jarraitzeagatik betetako "zigorra" izan da hori.
Ekonomia ministroaren iritziz, Generalitateko aurreko Gobernuak hartutako erabakiek "egonezina eta mesfidantza" sorrarazten zutela argi erakusten du datu horrek.
Hala, Kataluniako Gobernu berriak "aldebakartasuna" atzean utzi eta herritarrek dituzten "oinarrizko premietan" lan egiten hastea espero duela esan du de Guindosek.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.