Inbestidura atzeratzea deitoratu du Puigdemontek: 'Ez dago beste hautagai posiblerik'
Carles Puigdemont Junts per Catalunyako (JxCat) buruzagiaren hitzetan, “zoritxarrez” Roger Torrent Parlamenteko presidenteak inbestidura saioa atzeratzea erabaki du. Torrenten erabakia “errespetatzen” duela erantsi du Puigdemontek, baina “beste hautagai posiblerik” ez dagoela ohartarazi du.
Egun osoan zehar isilik egon ondoren, JxCaten eta ERCren arteko purrustadak ikusita, azkenean Puigdemontek mezu bat zabaldu du sare sozialetan, 20:00ak aldera.
Testuinguru honetan, “batasuna” ez galtzeko eskatu dio independentismoari, “urteetan espetxean edo erbestean nahi gaituztenek horrekin ametsetan ari direlako”, Espainiako Gobernuari erreferentzia eginez.
"Erantzun bateratua”
Puigdemonten ahotan, 155. artikuluaren aplikazioari aurre egiteko, “U-1eko eta A-21eko agindua aurrera eramateko erantzun bateratua eta koordinatua” eman behar du gehiengo independentistak; izan ere, Govern berririk ez dagoen bitartean Konstituzioaren artikulua indarrean izango da.
Gaurko inbestidura saioan botoa eman behar zioten “68 diputatu independentista” zirela goraipatu du Puigdemontek. Inbestidura egiteko “berme demokratikoa” zirela erantsi du. Generalitateko presidente izateko “beste hautagai posiblerik” ez dagoela azpimarratu du.
Hala ere, “zoritxarrez saioa ez da egin, Parlamenteko presidenteak beste bide bat aukeratu du eta haren erabakia errespetatu behar dugu”, gaineratu du.
"Ez dago demokrazia atzeratzerik edo bertan behera uzterik"
Presidentaren esanetan, “ez dago demokrazia atzeratzerik edo bertan behera uzterik”. “Madrilek agindutako presidente” bat onartzea Kataluniako “hauteskundeen emaitzak betirako hipotekatzea” litzatekeela ohartarazi du JxCateko buruzagiak.
Zentzu horretan, “gustuko duten president bat” bakarrik izan daitekeela planteatuta, Gobernu zentrala “xantaia” egiten ari dela salatu du Puigdemontek, bestela 155. artikuluak indarrean jarraituko duelako.
155. artikuluarekin amaitzeko “biderik azkarrena Govern bat osatzea” dela gogorarazi du Puigdemontek.
Horregatik, “herritarrek nahi duten herria eraikitzeko aukera zuen” Kataluniak gaur, baina “hauteskundeak galdu dituztenak behartzen ari diren paralisiagatik” itxaron beharko dute, erantsi duenez.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.