Puigdemontek, mezuez: 'Gizakia naiz, zalantzak ditut, baina ez dut atzera egingo'
Junts per Catalunyak Generalitateko Presidentetzarako proposatu zuen hautagaiak, Carles Puigdemontek, WhatsApp bidez Antoni Comini bidali zizkion eta Telecincok zabaldu dituen mezuez hitz egin du Twitterren. "Gizakia naiz, eta batzuetan nik ere zalantzak ditut", esan du. Hala ere, "ez dut atzera egingo", erantsi du.
Telecincok zabaldutako mezuen arabera, prozesu independentista "amaituta" dagoela esan zion Puigdemontek Comini, eta "sakrifikatu egin gaituzte, ni bai behintzat", gaineratu zion. Hortaz, "Moncloa nagusitu da", haren iritziz.
Twitter bidez mezu horien harian eman dituen azalpenetan, Puigdemontek ez ditu gezurtatu. Aitzitik, onartu egin du "zalantzak" izan dituela, baina, Comini bidalitako mezuak aztertuta kontrakoa ondorioztatu ahal bada ere, ukatu egin du bere ibilbide politikoa amaierara heldu izana.
"Kazetaria naiz, eta beti pentsatu dut mugak daudela, pribatutasuna kasu; horiek inoiz ezin dira urratu. Gizakia naiz, eta, batzuetan, nik ere zalantzak ditut. Presidentea ere banaiz, eta ez naiz kikilduko, ez dut atzera egingo, errespetuagatik, esker onagatik, eta herritarrekiko eta herrialdearekiko dudan konpromisoagatik. Aurrera jarraitzen dugu", esan du txio baten bidez.
Mezuak zabaldu dituztenekin, kritiko
Puigdemont kritiko azaldu da Toni Comini bidali zizkion mezu pribatu horiek zabaldu dituztenekin. Kataluniako Gobernuko Osasun kontseilariari zena Bruselan dago, Carles Puigdemont presidentearekin batera, 2017ko azarotik, eta Roger Torrent Parlamentuko presidenteak inbestidura-saioa atzeratu ostean bidali zituen mezuak Puigdemontek.
"Hau amaitu dela uste dut. Gureek sakrifikatu egin gaituzte, ni behintzat. Zuek kontseilariak izango zarete, hori espero eta nahi dut, baina ni dagoeneko sakrifikatu naute", esan zion Comini.
"Ez dakit zenbat geratzen zaidan bizitzeko, asko espero dut, baina azken bi urteetan gertaturikoa ordenatzeko eta nire erreputazioa babesteko aprobetxatuko dut. Min handia egin didate, hainbat kalumnia, zurrumurru eta gezur baliatuz; helburu komun baten alde eutsi diot. Hau, baina, amaitu egin da. Hemendik aurrera, neure burua defendatu beharko dut", esan dio Puigdemontek Comini mezu horietako batean.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.