'Pasaiako segada'ren auzia Estrasburgora eraman dute
Jose Maria Izura, Pedro Maria Isart, Rafael Delas eta Dionisio Aizpuru Komando Autonomo Antikapitalistetako kideen senitartekoek Estrasburgoko Giza Eskubideen Auzitegira eraman dute 'Pasaiako segada' izenarekin ezagutzen den auzia, eta bertan salatu dute "1984ko martxoaren 22an Polizia Nazionalaren segada batean erail" zituztela beren senitartekoak. Halaber, gaitzetsi dute "ez dela ikerketarik egin jakiteko nortzuk izan ziren zuzeneko hiltzaileak".
Prentsaurreko batean, joan den azaroaren 29an auzitegi horretan aurkeztutako helegitearen berri eman dute (oraindik ez da tramitera onartu errekurtsoa), eta Izaskun Bilbao (EAJ), Josu Juaristi (EH Bildu) eta Xabier Benito Ziluaga (Podemos) europarlamentarien babesa izan dute agerraldi horretan. Santiago Gonzalez senitartekoek abokatuak eta Miguel Castells abokatuak, Azpeitiko Udalaren izenean (bertakoak ziren eraildako bi kide), eman dituzte helegitearen inguruko xehetasunak. Bertan adierazi dutenez, "bizitzeko eskubidea urratu izanaren zantzuak" daude, eta hori frogatzeko hainbat testigantza, bertsio ofiziala zalantzan jartzen duen Eusko Jaurlaritzaren ikerketa bat eta Gipuzkoako Auzitegiaren epaiak hartu dituzte oinarri.
Peio Aizpuru eta Carlos Delas senitartekoek agerraldian aipatu dutenez, 2005ean Auzitegiak "hankaz gora" jarri zuen bertsio ofiziala (bertsio horrek zioen Poliziarekin izandako enfrentamendu baten hil zirela). Izan ere, Auzitegiak ez zuen frogatutzat eman Komando Autonomoetako kideek tirorik egin izana. Frogatutzat eman zuen, ordea, Isart eta Izura "tiroz josi" zituztela, "bakoitzak 28 bala-zulo baitzituen", azaldu dutenez. Ondoren, agenteek Aizpuru eta Delas atxilotu zituzten eta, identifikatu ostean, "fusilatu egin zituzten, bakoitzari 36 eta 21 bala zulo eginda, hurrenez hurren”.
2016an auzia artxibatu egin zuten, hilketaren zuzeneko egilerik ez zegoelako, baina Aretoak frogatutzat jo zuen "lau erailketa" egon zirela, prentsaurrekoan azaldu dutenez. Adierazi dute gerta daitekeela helegitea tramitera ez onartzea, eta litekeena dela "presioak" egotea hori horrela izan dadin; baina, hala ere, "esperantzari” eusten diote "geratutakoa zigorrik gabe gera ez dadin".
Pasaian gertatutakoak Barricada taldearen "Bahía de Pasaia, emboscada criminal" (1987) abestia inspiratu zuen, eta berriki jorratu zuten auzia Yuri Agirrek eta Xabier Otamendik "Pasaiako badia" dokumentalean (2017ko urrian estreinatu zuten). Ur Handitan ETB1-eko saioak ere gaia landu zuen abenduaren 12an eskainitako "Indarkeriaren jabeak" emanaldian.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.