Bi hiritarrek kereila bana jarri dute 'Billy el Niño'ren aurka, torturengatik
Bi hiritarrek kereila kriminal bana aurkeztu zuten atzo frankismoaren Segurtasun Zuzendaritza Nagusiko kideen aurka, tartean, Antonio Gonzalez Pachecho 'Billy el niño', gizateriaren aurkako krimenen baitan torturak egitea leporatuta. Hala, zazpi dira jada aurkeztutako kereilak.
Rosa Maria Garcia Alcon eta Javier Navascues Chivite abokatuek aurkeztu zituzten salaketak atzo goizean, osteguna, Gaztelako Plazan dauden epaitegietan, Frankismoaren Krimenen aurkako Kereila Argentinarraren Babeserako Estatu Koordinakundearen zenbait kiderekin batera.
Bi kereila horien aurretik, Luis Suarez (2017, ekaina), Angela Gutierrez eta Felisa Echegoyen (2017, azaroa) eta Willy Meyer eta Chato Galantek (2918, urtarrila) jarri zituzten.
Madrileko 39 zenbakiko Instrukzio Epaitegiak Felisa Echegoyenen salaketa artxibatu zuen duela gutxi, gizateriaren aurkako deliturik ez dela egin iritzita, eta tortura delituak preskribatu egin duela argudiatuta. Alabaina, helegitea aurkeztu dute azken erabaki horren aurka Probintzia Auzitegian. Gainerako lauren kasuan, falta da erabakia hartzea.
Rosa Maria Alconek jarritako salaketaren arabera, 1975ean, 18 urte zituenean, atxilotu zuten pintadak egiteagatik eta 'Billy el niño'k torturatu eta tratu txarrak eman zizkion.
"Sartu bezain pronto nire zain zegoen, eta ostikoka, ukabilkadaka, kolpeka… hartu ninduen… eta gero ukituak egin zizkidan", esan zuen atzo epaitegien atarian.
Ildo horretatik Javier Navascues Chiviteren testigantza ere bai. Horren esanetan, salatu egin behar da gertatutakoa ezagutzeko, baina onartu du mesfidati dela, "gehiegitan erakusten ari direlako ez dutela 'Billy el niño' epaitu nahi, ezta diktaduran barrabaskeriak egin zituztenak ere, eta ez dute zitalkeriaz hil zituzten pertsonen gorpuak bilatu nahi".
Azaldu duenez, 1973ko ekainean etxera heldu zenean, Billy el niñok eta beste batzuek bere emaztea eta koinatua atxikita zuten, bera diktaduraren aurkako borrokan zegoela erakusten zuten agiri batzuk topatu zituztelako.
Orduan, 10 orduz kolpatu eta behartu zuten. Aldi horretan, torturatu zuten, besteak beste, eskuburdinak jarri zizkioten hanken azpitik eta ibiltzera behartu. Javierrek ziurtatu du torturak salatu zituela epailearen aurrera eraman zutenean, baina inork ez zuela sinistu.
Zure interesekoa izan daiteke
Bilboko Konpartsek eta Sarek manifestazioa deitu dute abuztuaren 28rako, 2027an euskal presorik egon ez dadin aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.