Geroa Bai, EH Bildu, Podemos, I-E eta PSNko legebiltzarkideak M8ko grebara batu dira
UPNk ez beste Nafarroako Parlamentuko alderdi guztiek martxoaren 8rako deituta dagoen greba feminista babesten dute, bakoitzak bere modura.
Nafarroako Parlamentuko Mahaiaren eta Bozeramaile Batzordearen bileraren ostean, martxoaren 8ari begira duten jarrera azaldu dute alderdi politikoei. Emakumeen Nazioarteko Eguna izateaz gain, ostegunean kontrol saio eguna da Parlamentuan. PSNk eta Izquierda-Ezkerrak iragarri dutenez, beraien legebiltzarkide guztiak (gizon eta emakume) bilkuratik aterako dira edota ez dira joango. Geroa Bai, EH Bildu eta Podemosen kasuan, emakumezko legebiltzarkideak izango dira bilkuratik atera edo parte hartuko ez dutenak. UPNk, ostera, oraindik ez du erabaki zer egin.
Geroa Baiko emakumezko legebiltzarkideak kontrol saiora joango dira, baina 11:00etako kontzentrazioaren ondoren atera egingo dira, Unai Hualde legebiltzarkideak azaldu duenez. Adolfo Araiz EH Bilduko bozeramailearen esanetan, koalizioko legebiltzarkideak kontrol saioan egongo dira 11:00ak arte nahiz eta ez duten parte hartuko. Podemos-Ahal Duguren izenean Carlos Cousok adierazi duenez, emakumezko legebiltzarkideak ez dira kontrol saiora joango eta gizonezkoak joango dira, baina ez dute emakumeen lana ordezkatuko. Jose Miguel Nuin Izquierda-Ezkerrako kideak aurreratu duenez, beraien taldeko bi legebiltzarkideak ez dira kontrol saiora joango. PSNren kasuan, ostera, gizon zein emakumeek lanuztea egingo dute 12:00etatik 14:00etara.
Javier Esparza UPNko bozeramaileak bere alderdiaren jarrera azaldu du eta UGTk eta CCOOk deitutako bi orduko lanuztea babesten dutela nabarmendu du. Emakumezko legebiltzarkideak kontrol saiora joango diren galdetuta, oraindik ez dutela erabaki baina ez duela uste esan du. Azkenik, Ana Beltran PPNko legebiltzarkideak azpimarratu du ez dutela greba babesten ez datozelako bat bere manifestuarekin.
Bestalde, UPNk ez beste Parlamentuko Mahaiko alderdi guztiek fatxadan mantal bat eskegitzea onartu dute. Horrez gain, kontzentrazioa egingo dute 11:00etan Parlamentuaren atarian, greba feministari babesa emateko eta emakumeen kontrako indarkeria salatzeko.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.