Konbentzio Konstituzionala planteatu du Urkulluk, 'burujabetza eztabaidei' heltzeko
“Une historiko honetan aurrera egiteko” Konbentzio Konstituzionala defendatu du gaur Iñigo Urkullu lehendakariak, “burujabetzaren eta elkarbizitzaren” inguruko “eztabaidei demokraziak eta eskubideak” aurreikusitako prozedurekin heltzeko. Puente Aereo Foroan bilduta, Madrilgo eta Kataluniako enpresa nagusietako 20 bat zuzendariren aurrean hitz egin du Eusko Jaurlaritzako buruzagiak.
Gainera, Kontzertu Ekonomikoa “pribilegio bat” ez dela argi utzi nahi izan du Urkulluk. Are gehiago, “Estatuko erkidegoetako finantziazioaren arazoa” konpontzeko “eredua” izan daitekeela adierazi du agintariak.
Bestalde, Euskadik “egonkortasuna, segurtasun juridikoa, lehiakortasunerako inguru paregabea” eskaintzen duela gogorarazi die Urkulluk enpresaburuei, ondorioz, “inbertitzeko toki ona da”.
Puente Aereo Foroak gonbidatuta, EAEko buruzagiak Madrilgo eta Bartzelonako konpainia nagusietako 20 bat presidenterekin bazkaldu du gaur.
Besteak beste, Antoni Brufau Repsoleko presidentea, Salvador Alemany (Abertis), Jordi Gual (Caixabank), Josep Oliu (Sabadell bankua), Antonio Catalan (AC Hoteles) eta Santiago Bergareche (Vocento) bertan izan dira.
Aldebikotasuna
Enpresaburuen aurrean, “euskal autogobernuaren etorkizuna” aldarrikatu du Iñigo Urkulluk, “erabaki politikoak, ekonomikoak eta sozialak herrira hurbiltzen dituelako”.
“Botere zentralaren eta erkidegoen arteko tentsioek positiboan funtzionatzeko, berdintasun ikuspegi batetik bideratu behar dira, ez mendekotasunetik”, erantsi du. “Aldebiko bermea da, negoziatzeko eta adosteko betebeharra”, nabarmendu du.
Lehendakariaren hitzetan, autogobernua “garapenaren eta ongizatearen sinonimoa da”, horregatik, “Gernikako Estatutua osorik betetzeko aldarrikapena” mantentzen du Jaurlaritzak, “hazten jarraitzeko” asmoarekin.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.