EAJk gaur aztertuko du Espainiako Aurrekontuak onartu ala ez
Gaur, astelehena, hasiko da Estatuko Aurrekontu Orokorren inguruko eztabaida Kongresuan, 155. artikulua indarrean eta Euzko Alderdi Jeltzalearen botoa oraindik airean dagoela. Jeltzaleek botoa erabakiko dute, Euzkadi Buru Batzarrean, EFE agentziaren arabera. Bozketa asteazkenean izango da Kongresuan.
Mariano Rajoyk, Espainiako Gobernuko presidenteak, Pedro Sanchez (PSOE) eta Albert Riverari (Ciudadanos) helarazi die Katalunian 155. artikuluaren aplikazioa mantentzeko asmoa, Quim Torrak izendatutako gobernuaren "bideragarritasuna" aztertzen duen bitartean. Horrek EAJren botoa baldintza lezake.
Gainera, UPNren zain dago PP. Nafarroako alderdiak Espainiako Gobernuari eskatzen dio idatzita uzteko Eusko Jaurlaritzarekin eta Nafarroako Gobernuarekin ez duela presoen hurbilketari buruz hitz egingo.
Ciudadanos, Coalicion Canaria, Foro Asturias eta Nueva Canarias alderdien aldeko botoa izango du Rajoyren Gobernuak.
15:00etan hasiko da eztabaida, talde parlamentarioekin, eta astearte eta asteazkenean jarraituko du, minsitroen hitzaldiekin.
Batzordean atzera botatako 6.000 zuzenketa bozkatu beharko dituzte diputatuek. Eztabaida 257 zuzenketa berrirekin bukatu zen. PPk Ciudadanos, EAJ, CC, UPN, Foro Asturias eta Nueva Canariasekin lortu zituen akordioak.
PSOEk, Unidos Podemosek, ERCk, Compromisek eta EH Bilduk ez zuten zuzenketarik sartzea lortu. Litekeena da PDeCatek PPrekin adostea mendekotasunaren BEZa % 4 jaistea.
Aurrekontuek 50 milioi euro gehiago izango dute indarkeria matxistaren kontra borrokatzeko. Zuzenketa hori PP, Ciudadanos, EAJ, CC, Nueva Canarias, Foro Asturias eta UPNren artean adostu zen, eta Unidos Podemosek, Compromisek eta PDeCatek babestuko dute, modu kitikoan.
Tramitazioan, aurtengo pentsioak % 1,6 igotzea adostu zen, baita Iraunkortasun Faktorea 2023ra arte atzeratzea ere. Gainera, sari eta loterien salbuetsitako zenbatekoa igotzea, 10.000 eurora arte aurten, 20.000ra arte 2019an eta 40.000ra arte 2020an.
Popularrek eta jeltzaleek 20 milioi eurotik gorako inbertsioak hitzartu zituzten trenbideetan eta portuetan, eta PPk eta Ciudadanosek, bestalde, 34 milioi euroko inbertsioak adostu zuten Valentzian, Bartzelonan, Madrilen, Galizian eta Gaztela eta Leonen egin beharreko azpiegituretan.
UPNrekin, PPk ia 50 milioi euroko inbertsioak lotu zituen Nafarroako azpiegituretan.
Foro Asturiasekin lortutako akordioaren ondoren, bestalde, 61 milioi euro bideratuko dira erkidego horretara, eta 20 milioi ikatz sektorera.
Nueva Canariasek % 75eko hobariak adostu zituzten PPrekin, penintsulako eta penintsulatik kanpo dauden lurraldeen arteko bidaietarako, eta 5 milioi euro bananen garraiorako. Coalicion Canariak, bestalde, PPrekin lotu du zamaketarien sektorean negoziatzen ari diren hitzarmena adosteko epea luzatzea.
EAJk aurrekontuak onartu behar ez dituela esan du Sortuk
Arkaitz Rodriguez Sortuko idazkari nagusiak esan duenez, EAJk "orain arte eman duen hitza betez gero", Espainiako Aurrekontuak errefusatu egin beharko lituzke Katalunian 155ak indarrean jarraituz gero.
"EAJk negoziazioarik izan ez zela esatera iritsi zen, eta dagoeneko badakigu egon egon zela", kritikatu du. "Babes hori ezin daiteke eman", adierazi du, Espainiako Gobernuko presidentearen azken erabakiaren ostean.
PP, Katalunian "irmotasuna" izatearen alde
Javier Marotoko PPko Politika Sozial eta Sektorialeko idazkariordeak "irmotasunez" erantzutearen alde egin du, Quim Torraren Gobernuak Katalunian eragindako egoeraren aurrean, baina "alderdi konstituzionalisten batasunetik".
Halaber, Marotokok EspainiakoAurrekontuen balizko onarpenari buruz hitz egin du; "nahiago nuke onarpena ahalbidetuko duen adostasuna zabalagoa izatea, eta PSOEri ere eragitea", esan du.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.