PPk 35 milioi euro zuzendu ditu Estatuko Aurrekontuetan, EAErako partidak murriztuz
Senatuko Talde Popularrak 49 zuzenketa partzial aurkeztu dizkio 2018ko Estatuko Aurrekontu Orokorren proiektuari, eta horietatik 19 EAJrekin adostutako partidei loturikoak dira. Gaur erregistratutako zuzenketa horien ondorioz, hasiera batean EAErako aurreikusitako diru-partidak 35 milioi euro murriztuko dituzte.
35 milioi horietatik 26,6 milioi Lanbiderentzat izango ziren, eta 5,5 milioi, Fidetec elektrizitatea biltegiratzeko erakunde publikorakoarentzat.
Halaber, beste zuzenketa horietako batek Biscay Marine Energy Platform (BiMEP) deituriko azpiegiturari eragiten dio. Hain zuzen ere, 3 milioi euro gutxiago jasoko ditu.
Alderdi Popularrak Senatuan duen taldeak hainbat zuzenketa aurkeztu dizkio 2018ko Estatuko Aurrekontu Orokorren proiektuari. Zuzenketak "landa-garapenari eta lurralde azpiegiturei buruzkoak eta energia alternatiboak sustatzekoak" dira, taldearen arabera.
Aitzitik, 'popularrek' Espainiari eragiten dioten hainbat partida handitu dituzte, dozenaka zuzenketaren bitartez; urari eta ureztatzea, Aragoin abiadura handiko trena eta energia alternatiboak sustatzekoak, besteak beste.
Alderdi Popularrak Senatuan gehiengo absolutua duenez, zuzenketa horiek aurrera aterako dira, eta testua Kongresura itzuliko da gero.
Jose Manuel Barreiro PPk Senatuan duen bozeramaileak azaldu duenez, zuzenketek "izaera soziala dute bereziki", landa eremuan garatzeko diren energiei dagozkienak batez ere.
"Ez dira talde edo lurralde jakin baten kontra aurkeztutako zuzenketak, inondik inora", esan du EAJren kaltetan aurkeztu ote dituzten galdetu diotenean. Barreiroren hitzetan, PPren gobernuak aurrez lurralde azpiegituren kontura hartutako konpromisoak bete nahi dituzte orain.
"EAJk Gobernuari emandako babesa kendu zionetik, gure jatorrizko aurrekontuetara itzultzeko modua dugu", azaldu du.
Barreiroren hitzetan, "ez da inoren kontra joatearren, mendekuz jokatzearren, Euskadirentzat planifikatuta zeuden azpiegiturak defendatzen ditugu".
PPk Senatuan aurkeztutako hiru zuzenketekin “harrituta” azaldu da EBB Euzkadi Buru Batzarra. “Ezin zurituzko erabaki arduragabea” azaltzeko eskatu dio EBBk Euskadiko PPri. “Senatuan eta Kongresuan ordezkaritza duten gainerako alderdi politikoei erantzukizuna” eskatu diete jeltzaleek, “Alderdi Popularraren ekimena euren botoekin ez laguntzeko, EAJ zigortzeko bururatu zaielako, baina Euskadiko herritar guztiei kalte egingo dielako”.
Astelehenetako ohiko bilera amaitu ondoren, jeltzaleen zuzendaritza “harrituta” agertu da, PPk hiru zuzenketa aurkeztu dituela modu ofizialean jakin ostean.
“Ezin zurituzko erabaki arduragabea da, enplegu eta ikerketara bideratu behar ziren 35 milioi euro baino gehiago kenduko dizkie EAEko herritarrei, XXI. mendeko gizarteen bi zutabe”, azpimarratu du EAJk.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.