PPk ETAren 'iraultza-zerga'rekin lotu du Gure Esku Dago
EAEko Alderdi Popularrak ETAren 'iraultza-zerga'rekin aldaratu ditu Gure Esku Dagok Gasteizko ostalari eta dendariei eskatutako borondatezko diru-laguntzak, eta horrek polemika piztu du.
Gure Esku Dagok Donostia, Bilbo eta Gasteiz lotu zituen giza kate erraldoia gauzatu zuen joan den igandean. Erabakitzeko eskubidearen aldeko ekimena Arabako hiriburuan amaitu zen eta Gasteizko Gure Esku Dagok gutuna igorri zien Alde Zaharreko ostalari eta dendariei egun horretan irabazitakoaren % 10a plataformari bideratu ziezaiotela galdeginez, betiere bere borondatez.
Gutun horretan, kaleak eta tabernak apainduko zituela, kaleetan ekintza ezberdinak antolatuko zituela eta jai-giroa bermatuko zuela agintzen zuen Gure Esku Dagok.
Borja Semper PPk Legebiltzarrean duen bozeramailearen esanetan, Gure Esku Dagok diru-laguntza boluntarioak eskatu izanak "herri honetako ostalariek estortsioa pairatu zuteneko urte ilunak" ekarri dizkio gogora. "Kolaboratzen ez zutenak seinalatu egiten zituzten gero", erantsi du.
"Argi dago hau ezberdina dela, baina honek guztiak iraganeko taktika zikinak ekarri dizkigu gogora", azpimarratu du.
Gure Esku Dagok oharra zabaldu du arratsaldean. Adierazpen horrek izan dezakeen ondorioengatik "kezka" agertu du eta dena "testuingurutik kanpo atera" dutela kritikatu du.
Gure Esku Dagok inoiz ez duela laguntza ekonomikorik eskatu azaldu du eta ekainaren 10eko giza katea oso-osorik plataformak ordaindu zuela argitu, herritarrek izena ematean jarritako diruarekin eta kamiseta eta zapien salmentarekin.
Horrenbestez, Gasteizen ostalariei borondatezko laguntzak eskatu izana "deskoordinazioaren ondorio" izan dela esan du. Hala ere, "jaiak eta bestelako ekimenak antolatzeko Euskal Herrian sarritan eta normaltasunez" erabiltzen den formula dela gaineratu du, "Gure Esku Dagok bide hori erabiltzen ez badu ere".
Amaitzeko, Gure Esku Dagok barkamena eskatu du "norbait deseroso sentitu baldin bada".
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.