ETAren biktimak ez erabiltzeko eskatu die Consuelo Ordoñezek PP eta Ciudadanosi
Consuelo Ordoñezek oposizioa egiteko "ETAren biktimak ez erabiltzeko" eskatu die Alderdi Popularrari eta Ciudadanosi, "etikoa ez delako eta erabat iraingarria delako".
Covite biktimen elkarteko presidenteak Donostian egin ditu adierazpenok, 'Terrorismoaren memoriak Espainian' liburuaren aurkezpenean.
Uda honetan, ETAko bi preso Basauriko espetxera hurbildu zituztela eta, bi alderdi horietako agintariek kritika gogorrak egin zituzten eta polemika handia piztu zen.
Hurbilketa horiek "legearen baitan egindakoak" zirela ulertu zuen Covitek, "espetxe zaintzako epaileek emandako hirugarren graduan oinarritutako lekualdatzeak izan zirelako eta, beraz, espetxe-politikarekin inolako zerikusirik ez zutelako", azaldu du Ordoñezek.
Alabaina, "polemika handia piztu zen, alderdi eta politikari batzuek biktimen gaia oposizioa egiteko erabiltzen dutelako, eta hori ez da etikoa", salatu du. Jarraian zehaztu du PPri eta Ciudadanosi buruz ari zela, eta Euskal Autonomia Erkidegoko Alderdi Popularra kritika horretatik kanpo utzi du, "alderdi horretako presidenteak zuhurrago jokatu zuelako, eta hori ere aintzat hartzekoa da", erantsi du.
Pedro Sanchezen Gobernua biktimekin izaten ari den jarrera, berriz, eskertu egin du eta, "oraingoz behintzat, hitza betetzen" ari dela esan du.
Ildo horretan, gogora ekarri du duela hamar bat egun Fernando Grande-Marlaska Barne ministroa berarekin bildu zela euskal presoen hurbilketari buruzko xehetasunak emateko eta horren ondotik egin zirela lehendabiziko lekualdatzeak.
"Lehendabiziko aldia da Gobernu batek aldez aurretik ematen digula horrelako erabaki baten berri", adierazi du.
Amaitzeko, berretsi egin du Covite ez dagoela ETAko presoak Euskal Herritik hurbil dauden espetxeetara eramatearen kontra. Alabaina, Euskal Herriko kartzelatara ekartzeko, "presoek lehendabizi gizarteratzeko bidea hasi" behar dutela esan du.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.