Poliziaren zaindariaren eguneko ospakizunean parte hartu zuen 'Billy el Niño'-k
Antonio Gonzalez Pacheco, Billy El Niño, Brigada Politiko Sozial frankistaren inspektorea gonbidatu bezala joan zen ostegunean Ciudad Linealeko (Madril) polizia-etxera, Poliziaren Eguneko ospakizunean parte hartzeko.
La Sexta eta eldiario.es komunikabideek aurreratu bezala eta ondoren Poliziako iturriek baieztatu dutenez, Jose Manuel Mariscal de Gante y Miron Ciudad Linealeko komisarioak Billy el Niño gonbidatu zuen, Angeles Custodios zaindariaren jaia ospatzeko.
Ospakizunera Poliziako zuzendari nagusia eta Madrileko Polizia Buruzagitza Nagusiko agintaririk joan ez zela erantsi dute iturriek.
Hain zuzen ere, Fernando Grande-Marlaska Barne ministroa Billy el Niño-ri lau domina kentzeko pausoak aztertzen ari da.
Ministroen Kontseiluaren ondorengo prentsaurrekoan, polemikaren inguruan galdetu diote Isabel Celaa Espainiako Gobernuko bozeramaileari. Barne Ministerioaren tramiteak ezagutzen ez dituela eta “Billy el Niño gonbidatzen dizkioten tokietara joateko herritar libre bat da”, adierazi du Celaak.
Polizia jubilatuaren presentzia Ciudad Linealeko ospakizunean salatu du Izquierda Unidak dagoeneko. Gobernu zentralari azalpenak eskatzeko galderak idatziz aurkeztu eta Marlaskaren agerraldia eskatu ditu IUk, Billy el Niño-k ekitaldian parte hartzeko gonbidapen ofiziala jaso ote zuen argitzeko.
Bestalde, Billy el Niño Poliziaren Eguneko ekitaldira zergatik joan zen ikertzeko agindua eman du Barne ministroak. Francisco Pardo Poliziako zuzendari nagusiari ikerketa bat eskatu diola jakitera eman du Marlaskak. “18:00ak baino lehen” erantzun bat emango duela agindu du ministroak.
Zure interesekoa izan daiteke
Bilboko Konpartsek eta Sarek manifestazioa deitu dute abuztuaren 28rako, 2027an euskal presorik egon ez dadin aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.