Cristina Cifuentes auzipetu dute 'Master auzia'gatik
Cristina Cifuentes, auzipetuta. Carmen Rodriguez-Mendel epaileak 'Master auzia' bezala ezagutzen den kasua ikertzen amaitu eta Cifuentes auzipetu du dokumentuak faltsutzea egotzita.
Madrilgo Erkidegoko presidente ohiak 2011-2012 ikasturtean Juan Carlos Erregea Unibertsitatean egindako masterrean irregulartasunak atzeman zituen Madrilgo 51. zenbakiko Instrukzioko epaileak. Egiaztatu ahal izan zuenez, ez zen eskoletara joan (derrigorrezkoa zen), eta notak faltsutu zizkioten.
Cifuentesekin batera, Enrique Alvarez Conde Unibertsitateko Zuzenbide Autonomikoaren Institutuko zuzendari ohia, Cecilia Rosado irakaslea eta Maria Teresa Feito Cifuentesen aholkulari ohia auzipetu ditu epaileak.
Gaur kaleratutako autoa ahozko epaiketa abiatzeko aurreko urratsa da. Hala, aldeei euren akusazioa edo largespen eskaera helarazteko eskatu die.
Cifuentesen azalpenak "ez dira sinesgarriak"
Dokumentuak faltsutzeagatik auzipetu ditu lau lagunak. Gogorarazi duenez, masterraren amaierako lanaren aktan ageri diren hiru sinaduretatik bi faltsuak dira. Izan ere, Alicia Lopez de los Mozos eta Clara Souto irakasleek esan zuten eurek ez zutela sinatu, eta Lopez de los Mozosek epaimahaian parte hartu ez zuela erantsi zuen.
Bestalde, Cristina Cifuentesek egoitza judizialean emandako azalpenak "sinesgarriak ez" direla uste du epaileak.
Cifuentes eta Alvarez-Conde, EFEk egindako muntai batean.
"Aipagarria da masterraren amaierako lanaren kopia ez edukitzea, ezta zirriborroren bat ere. Alvarez Conde irakasleak egindako zuzenketekin mezu elektronikorik trukatu ez izana ere deigarria da", argudiatu du epaileak.
Epailearen esanetan, "ez da sinesgarria" hain "arina, erraza eta eskuragarria" den komunikazio modu erabili ez izana.
Madrilgo Gobernuaren agenda digitalaz ere mintzo da Rodriguez-Mendel. Ustez, 2012ko uztailaren 2an defendatu zuen Cifuentesek bere master amaierako lana. Agendan hitzordu hura ba ote zegoen galdetu zuen epaileak. Erantzunean, halakorik baieztatzeko modurik ez zuela adierazi zuen gobernuak, denbora asko igaro zela argudiatuta.
Epailearen ustez, Cifuentesek esandakorekin kontraesana dago. 2018ko martxoan Cifuentesek berak data hori aipatu zuen, eta orduan ere ezin zen hitzordua egiaztatu.
Cifuentesek apirilean eman zuen dimisioa, 'Master auzia' lehertu eta hilabetera. Egun horretan, krema pote batzuk lapurtzen ageri zen bideoa kaleratu zuen hedabide batek.
Monton ministro ohiaren kontrako auzia, artxibatuta
Bestalde, Rodriguez-Medel epaileak beste master baten auzia ixtea erabaki du: Carmen Monton Osasun ministro ohiak unibertsitate berean eskuratutakoarena, hain justu. Fiskaltzak eta akusazio partikularrak egindako eskaerari men egin dio, auzi horretan "arau-hauste penalak frogatzerik" izan ez dela iritzita.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.