Abascal, eskuin muturra politika nazionalera eraman duen PPren ordezkari ohia
Santiago Abascal Conde eta eskuin muturreko VOX alderdia ohiko lerroburu bihurtu dira azkenaldian. Urte gutxiko esperientzia duen alderdia izan arren, badirudi indartsu sartu dela politikan.
Andaluziako hauteskundeek, esaterako, berebiziko protagonismoa eman diote alderdi ultraeskuindar horri, baita Abascali berari ere, nahiz eta haren ibilbideak Euskadin duen jatorria. Izan ere, Bilbon jaio zen 1976an, eta duela zortzi urtera arte Euskadin bizi izan da. 34 urte bete zituenean, baina, une hartan zituen helburu politikoak bete ezinda, Araba utzi eta Madrilera joan zen politika egitera.
Amurrioko familia ezagun batean jaio zen Abascal, eta 18 urterekin ekin zion ibilbide politikoari. Bost urte geroago, Laudioko Udalean PPko zinegotzi hautatu zuten. Politikarekiko lotura, beraz, gaztetatik datorkio, eta Santiago Abascal Escuza Arabako PPko buruzagi ohiaren seme eta Manuel Abascal Pardo Amurrioko alkate ohiaren biloba izateak ere izan du zerikusirik horretan.
Kargu politikoak
1996an, Arabako PPren Lurralde Batzordean sartu zen, eta Batzorde Betearazlearen ordezkari izan zen 1999tik. 2000. urtean, berriz, Euskadiko PPren Belaunaldi Berrien presidente izendatu zuten. Bost urteko tarte horretan, PPren Zuzendaritza Batzorde Nazionaleko kide ere izan zen. Bestalde, 2000tik 2013ra Euskadiko PPren Batzordean hartu zuen parte, eta EAEko PPren Hezkuntza idazkaria izan zen 2005etik aurrera.
Abascalen ibilbide politikoak, hortaz, goranzko joera hartu zuen hasieratik. Aitzitik, 2009an "estualdia" izan zuen, hauteskundeen ondotik, eserlekurik gabe geratu zelako. Maria San Gilen alde agertu zen garai hartan, Euskadiko PPk izan zuen "borrokan". Basagoitik, ordea, indar gehiago lortu zuen orduan, eta eserlekurik gabe geratu ostean, PPtik aldentzen hasi zen Abascal.
Araba utzi eta Madril aldera joan zen. Leku aldaketak, gainera, esperotako fruitua eman zuen. Esperanza Aguirreren aldamenean, Datuen Babeserako Agentziaren presidente izan zen 2010 eta 2012 bitartean.
Erakunde horren itxierak ere, ez zion kalterik egin, ondoren lortu zuen karguan baldintza oso onak baitzituen. Ika-mika tarteko, gizarte-babesletzako fundazio bateko langile bakarra izan zen Abascal.
VOX alderdiaren jaiotza
2013ko azaroan, PP utzi eta eskuin muturreko alderdi politiko berri bat sortu zuen. Horrela, 2014an VOXeko presidente izendatu zuten.
Espainiaren batasuna defendatzea, abortua kasu guztietan errefusatzea, autonomia erkidegoak kentzea, paperik gabeko etorkin denak Estatutik botatzea, familia babestea eta ETArekin ez negoziatzea izan dira Abascalek hasiera batetik izandako helburuetako batzuk.
Pistola darama beti
Iaz egindako elkarrizketa batean Santiago Abascalek berak aitortu zuenez, Smith & Wesson pistola darama beti aldean, armak eramateko lizentzia baitu. Aita babesteko asmoarekin hasi zen kalera pistolarekin ateratzen. Orain, ostera, semeak babestea du xede, horren hitzetan.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.