Ortuzarrek mobilizatzeko deia egin die EAJko hautesleei, 'populismoaren' aurrean
Andoni Ortuzarrek, EBBko presidenteak, mobilizatzeko deia egin die EAJko hautesleei, eta hurrengo hauteskundeetan ez "fidatzeko" eskatu du, "utzikeriak" edo "akatsek" ateak irekitzen dizkietelako "populistei, demagogoei eta sistemaren aurkakoei". Gainera, alderdi jeltzaleak "zentratuta" eta "akrobaziak" egiten jarraituko duela esan du, ez erortzeko "ez eskuinean ezta ezkerrean ere" eta "oreka" mantentzeko.
EAJko presidenteak Barakaldo BECen egindako ekitaldi jendetsuan hitz egin du. Bertan bildu dira hurrengo udal, foru eta europar hauteskundeetako hautagai guztiak. Maiatzaren 26ko hitzorduari begira, militante eta jarraitzaileei "topera lan egitea" beharrezkoa dela ohartarazi die.
EAJren "oposizioa konfiantza gehiegi izatea" eta oso emaitza positiboak ematen dizkieten "inkesta on horiek" dira Ortuzarrentzat. "Ez sinetsi, ez fidatu. Hemendik maiatzera bitartean lan handia egitea egokitzen zaigu", esan du.
Bere iritziz, "jadanik alderdietan eta politikan sinesten ez duen jende desengainatua ilusionatu" behar dituzte berriz. "Alderdi demokratikoek uzten dugun espazioa, gure hutsegiteengatik, gure utzikeriagatik edo gure akatsengatik, populistek, demagogoek eta sistemaren kontrakoek betetzen dute", ohartarazi du. Horregatik, ez izateko "gehiegizko konfiantza eta lasaitasuna" eskatu du, eta "topera lan egiteko" deia egin du.
Andoni Ortuzarrek ez du "oposizioaren hirukoari" buruz hitz egin nahi, eta esan du Euskadik "gobernatzen duen gobernua" duela, "iniziatibarekin, pultsu politiko eta ekonomikoarekin".
Esan duenez, "pluraltasuna" eta "armonia" beharrezkoak dira "politikan", eta gehitu du EAJ "baterako abesbatza bat" dela, "errepertorio eta ahots nahikoarekin herrialde honetako oraina eta etorkizuna interpretatzeko".
"Zentratuta"
Ortuzarren arabera, "azken hilabeteetan, alderdi bezala", EAJk oreka mantentzen ibili behar izan du, "ez erortzeko ez eskuinean ezta ezkerrean ere". "Zentratuta" mantendu direla esan du, "eta horrela egongo gara". "Haria" oso fina izan arren, "oreka" mantenduko dutela esan du.
EAJ "sendo" jarraituko duela esan du, erori gabe, "hemen, Madrilen edo Bruselan, lehentasuna euskal agenda eta gizarte honetako interesak direlako".
Zure interesekoa izan daiteke
Pertur omendu dute Irunen, haren desagertzearen 50. urteurrenean
"Pertur. Egia nahi" lemapean, ETA politiko-militarreko buruzagi izandakoaren senideek gogorarazi dute kasua ez dela preskribatu, eta ikertzen jarraitzeko eskatu dute.
Plus Ultra konpainiaren presidenteak eta kontseilari delegatuak dimisioa eman dute
Aste honetan onartu dute Auzitegi Nazionalean 530.000 euro ordaindu zituztela Zapateroren eta Zapateroren kidearen bitartekaritzaren truke; horren ostean hartu dute dimisioa aurkezteko erabakia.
Euskara gatazkatik urruntzeko eskatu du Pradalesek: "Hizkuntzak denok behar gaitu"
Imanol Pradales lehendakariak adierazi du euskararen aurrerapausoak ez direla "inposaketatik" etorriko, eta datozen hamarkadetan euskara biziberritzeko bide berri bat irekiko duen "Jauzia gara" ekimena aipatu du.
Auzitegi Gorenak amnistia aplikatu die 'proces' auziarekin lotutako delituengatik zigortutako zortzi pertsonari
Europar Batasuneko Justizia Auzitegiak Amnistia Legea EBko zuzenbidearekin bat datorrela eta "adiskidetzea errazten" duela ebatzi eta astebetera hartu du erabakia Espainiako Auzitegiko Gorenak.
Osakidetzak udan lehen arretan murrizketak egiten jarraitzen duela salatu du EH Bilduk
Rebeka Ubera EH Bilduko legebiltzarkideak Barakaldoko Urbango osasun zentroaren atarian egin duen agerraldian azaldu duenez, 2023ko udan EAEko 255 osasun zentro normaltasunez aritu ziren, Osasun Sailaren datuen arabera. Aurten, aldiz, 211 dira: 54 gutxiago.
Maria Chivite: "Inork zerbait egin badu, ordain dezala, baina ez naiz ni izango"
Maria Chivite Nafarroako lehendakaria Guardia Zibilak Santos Cerdani buruz egindako azken txostenaren inguruan aritu da Parlamentuan, UPNk eskatuta, eta hau esan du: "Zenbat eta gehiago ikertu, zenbat eta gehiago aurreratu auzitegietan, are argiago dago ez dagoela ezertxo ere nire aurka". "Gobernu honek txosten horrekin lotuta izan duen esku-hartze bakarra izan da Justiziarekin lankidetzan aritzea, informazioa emateko eta ikerketan laguntzeko. Gainerako guztia nire aurkako sorgin-ehiza estrategia baten parte da, ez Gorenak ez UCOk beren ikerketa eta erabakiekin berresten ez dutena, ez baitago ezer", azpimarratu du.
Absolbitu egin dituzte Berangoko ongietorriagatik auzipetutako hamasei herritarrak
Epaiketa joan den ekainean izan zen, Madrilen, 2022ko martxoan Ibai Aginaga ETAko preso ohiari ongietorri ekitaldi bat egiteagatik terrorismoaren gorazarre delitua egotzita.
Pradalesek eta Sanchezek uda ostera atzeratu dute transferentziei buruzko aldebiko bilera
Ubarretxena sailburua Madrilen izan da Espainiako Gobernuko kideekin eskumenen eskualdaketa negoziatzen, baina ez dute akordiorik lortu.
EH Bilduk azalpenak eskatu dizkio Zupiriari Karmengo jaietako "indarkeria polizialagatik"
Espainiako Selekzioaren jarraitzaileen aurka izandako liskar batean Ertzaintzak esku hartu zuen, eta lau lagun zauritu ziren.
Zapatero: "Ez nuen inorekin hitz egin Plus Ultraren erreskateaz, ez SEPIrekin, ezta Gobernuarekin ere"
Gobernuko presidente ohiak adierazi duenez, bere bulegoan aurkitutako bitxiak, 1,3 milioi eurotan baloratuak, herrialde baten "kortesia pertsonaleko opari" bat izan ziren. Inbestidurako bazkideak eta oposizioa bat datoz azalpenak ez direla nahikoak izan esatean.