M11ko biktimei omenaldia Madrilen: 'Ez zaituztegu ahaztuko'
M11ko biktimen oroimenez ekitaldia egin dute arratsaldean. Pedro Sanchez Espainiako gobernuburuak, Angel Garrido Madrilgo erkidegoko presidenteak eta Manuela Carmena Madrilgo alkateak parte hartu dute. Omenaldia zaurituak artatu zituzten lehen tokian egin dute.
Daoiz y Velarde kiroldegira, oraindik zabaldu barik zegoenean, bizilagunek eta boluntarioek treneko bidaiari zaurituak eraman zituzten duela 15 urte, erasotzaileek trena Atochako geltokira sartu baino lehen lehergailua zartarazi ondoren.
Espainiako Gobernuak Daoiz y Velarde plazan ekitaldia antolatu du aurten aurrenekoz. Musika, isiluneak eta 15 urteko bi ikaslek irakurritako olerkiak izan dira protagonistak. Alderdi politiko eta terrorismoko biktimen elkarte guztietako ordezkariak bertan izan dira.
Besteak beste, Carmen Calvo Espainiako Gobernuko presidenteordea, Fernando Grande-Marlaska Justizia ministroa; Ana Pastor eta Pio Garcia Escudero Kongresu eta Senatuko presidenteak; Carlos Lesmes Botere Judizialaren Kontseilu Nagusiko presidentea eta Juan Jose Gonzalez Rivas Auzitegi Konstituzionaleko presidentea ekitaldian izan dira.
Olerkiak irakurri dituzten Gredos San Diego ikastetxeko bi ikasleek ez dituzte adinagatik atentatuak gogoratuko, baina euren ahotsek 2004ko martxoaren 4an gertatutakoa “ez ahazteko” balio izan dute gaur.
Egun hartan 07:36tik aurrera bizi izandakoa laburbiltzen duen bideo bat ikusi dute: “Milaka espainiarrek erantzun solidarioa eman zuten”. “Memoria betebeharra dugu, zuen duintasunaren eta justiziaren defentsan. Ez zaituztegu ahaztuko”, esan diete biktimei.
Ondoren, Jose Mateosen Once de Marzo olerkia irakurri dute, “heriotzak arima soilik lekuz aldatu dezakeela” kontatzeko. Gero Antonio Colinasen En el lugar del odio-ren bertsoak irakurri dituzte bi ikasleek: “Martxoko ostegun honetan ez du gorroto euririk egin/esku mantsoak bota ditu/ guztia eta denak laguntzeko”.
Bertsoen ondotik, lore eskaintza egin dute. Ordezkari politikoek eta terrorismoaren biktimen elkarteetako presidenteek arrosa zuriak ipini dituzte.
Ekitaldia minutu bateko isilunearekin bukatu da. “Beti memorian ditugu, eta izango ditugu”, nabarmendu dute.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.