Servinik Martin Villa ministro ohia deklaratzera deitu du berriro
Rodolfo Martin Villa ministro ohia Argentinan galdekatzeko hitzordua berriro jarri du Maria Servini epaileak, magistratuak berak baieztatu duenez. 1976an, Gasteizen, Poliziaren operazio batek bost hildako utzi zituen. Gertakari horien inguruan galdekatzeko asmoa du Servinik.
Servini epailearen aurrean deklaratzeko, datorren irailean Buenos Airesera joango dela iragarri du Martin Villak dagoeneko. “Nire kontrako akusazioei erantzun ahal izateko, galdekatzea eskatzen eman ditut lau urte eta erdi”, azaldu du Suarezen ministro ohiak. 2014ko urrian inputatu zutenetik, delituen preskripzioan edo Amnistia Legean babestea ez du nahi izan, deliturik egin ez duela uste duelako.
2018ko martxoan Martin Villa atxilotzeko agindua bertan behera utzi zuen Servinik, 2017an maila goreneko auzitegi batek ministro ohia atxilotzeko erabakia bigarrenez atzera bota ondoren. 49.300 dolarreko fidantza ezarri zion auzitegiak inputatuari, aske deklaratu ahal izateko.
Besteak beste, Gasteizko gertakariengatik ikertzen ari dira Espainiako ministro ohia. Poliziaren operazio batek bost hildako utzi zituen 1976ko martxoan. Poliziak langileen elkarretaratze baten aurka gogor egin zuen Arabako hiriburuan, Martin Villa Sindikatu Harremanetarako ministroa (1975ko abendua-1976ko uztaila) zenean.
Martin Villari leporatzen zaizkion delituen “larritasuna” azpimarratu zuen Servinik. Gobernazio ministroa zenean, Poliziaren operazioek beste sei hildako utzi zituzten; orduan segurtasun indarren arduraduna zen Ministerioa (1976ko uztaila-1977ko apirila).
Martin Villak 2014ko abenduan deklaratzea eskatu zuen aurrenekoz, bera atxilotzeko aginduaren berri izan bezain laster. Bigarrenean Espainiako Gobernuak ez zuen estradizioa onartu.
Espainian egindako ustezko delituengatik Servinik espainiarrak galdekatzeko eskumenik ez duela ebatzi zuten bertako epaileek hirugarrenean. Gainera, delituak preskribatu direla eta 1978ko Amnistia Legea indarrean dagoela argudiatu zuten Espainiako epaileek.
Zure interesekoa izan daiteke
Diez Antxustegiren esanetan, abenduaren 31rako estatutua betetzen ez bada EAJk azterketa bat egin beharko du
Radio Vitorian egindako elkarrizketa batean, akordioak betetzeko daudela nabarmendu du EAJk Eusko Legebiltzarrean duen bozeramaileak. "Gu alderdi serioa gara eta guk adostutako akordioak bete egiten ditugu", gaineratu du.
ELAk Confebask epaitegian salatu du, "bere betebeharrean artean" gutxieneko soldata negoziatzea dagoela uste dutelako
Mitxel Lakuntza ELA sindikatuko idazkari nagusiak Euskadi Irratian adierazi duenez, "eskatzen duguna da epaile batek esatea Confebaski eseri behar duela gai honetaz". Gutxieneko soldata "gurekin negoziatzea bere betebeharren artean" dagoela azpimarratu du, gainera.
Santurtziko alkateak Segurtasun zinegotziari ardura guztiak kendu dizkio ustez azterketa bat filtratzeagatik
Santurtziko alkate Karmele Tubillak Sonia Lopez zinegotzian konfiantza galdu du, eta erabaki du bere karguarekin lotutako ardura guztiak kentzea, Udaltzaingoaren oposizio-prozesu batean izan litezkeen azterketa-filtrazioengatik.
Albiste izango dira: Lehendakariaren bidaia ofiziala Parisera, antiabortisten kontrako epaiketaren bigarren eguna eta Zelenski Madrilen
Gaurkoan Orain-en albiste izango direnen laburpena, bi hitzetan.
Demokraziaren aldeko borroka pil-pilean zebilen Euskadin Franco hil aurreko urteetan
Frankismoaren azken urteetan Euskadiko kaleetan bizi zen tentsio handia gogora ekarri dute Ramon Jauregui sozialistak, Tasio Erkizia ezker abertzaleko militante historikoak eta Gorka Knörr EAko eurodiputatu ohiak.
?fmt=png-alpha&qlt=80)
Marcos Vizcaya zendu da, Trantsizioan EAJko bozeramailea izandakoa
Carlos Garaikoetxea lehendakariaren aholkularia zela, Gernikako Estatutuaren negoziatzaile aktiboenetako bat izan zen, 1979an.
Negoziatzeko borondatea erakutsi arren, Eusko Jaurlaritzak eta oposizioak urrun ikusten dute aurrekontuen akordioa
Noel d'Anjou sailburuak adierazi du entzuteko eta elkarrizketarako fasea abiatu dutela, eta Eusko Jaurlaritzak proposamenak espero dituela. Oposizioko alderdiek, bere aldetik, hoztu egin dute koalizio gobernuarekin aurrekontu proiektuaren inguruan akordioa lortzeko aukera.
Bere aurkako atxilotze-agindua bertan behera uzteko eskatu dio Puigdemontek Konstituzionalari
Kataluniako presidente ohiaren defentsak azpimarratu duenez, "urteetan zehar" Puigdemontek "mugatuta izan du bere mugimendu askatasuna eta jarduera instituzionala, atxiloketa aginduen ondorioz, zeinaren baliozkotasuna juridikoki indargabetu duten Amnistiaren Lege Organikoak eta Auzitegi honek (Konstituzionala) zein Europako estandarrek".
Mazonek Kongresuan esan du ez zegokiola berari alerta mezua bidali erabakitzea
Pradas kontseilari ohiaren deiak erantzun ez bazituen mugikorra motxilan eduki zezakeelako izango zela azpimarratu du Valentziako Generalitateko jarduneko presidente denak Kongresuko ikerketako batzordean.
Arnaldo Otegik uste du Jaurlaritzak ez duela EH Bildurekin itunik nahi
Arnaldo Otegik uste du Eusko Jaurlaritzak ez duela EH Bildurekin itunik nahi. Are gehiago, horren atzetik erabaki politiko bat dagoela ziurtatu du Egun On saioan egindako elkarrizketan. Arnaldo Otegi EH Bilduko idazkari nagusiak adierazi du , gainera, "arinkeria handiarekin esaten direla gauza batzuk" eta "kontuz" aritu behar dela "zein adjektibo erabiltzen ditugun eztabaida politikoan". Bestalde, azpimarratu du Bingen Zupiriak adierazi zuela "Euskal Hintxek edo zaletuek deituta zegoen manifestazioa ez zegoela legeztatuta eta baimendua. Guk ez genuen esan gezurretan ari zela. Zuk pentsa dezakezu, agian gezurretan dago edo agian ez dauka datu hori ordu horretan".