Martin Villa galdekatzea eskatu du berriro Maria Servini epaileak
Frankismoko krimenak ikertzen ari den Maria Servini epaile argentinarrak erregu-batzordea abiatu du, Rodolfo Martin Villa ministro ohi frankista Espainiako epaitegi batean galdekatu ahal izateko.
Espainiako Justizia Ministerioak uztailean jaso zuen eskaria, eta honek Auzitegi Nazionaleko 5. Instrukzio Epaitegi Zentralari helarazi zion, CEAQUA Argentinako Kereila Babesteko Koordinakundeak ohar bidez jakinarazi duenez.
Servinik bere ebazpenean jasotakoaren arabera, eskaerak aurrera eginez gero epaile argentinarrak Espainiara bidaiatuko luke urriaren 21etik 27ra bitartean.
Argentinako Kereila Babesteko Koordinakundeak ez daki Serviniren eskaria zein egoeratan dagoen.
Espainiak Martin Villa estraditatzeko aukera baztertu ostean, Servini epaileak Espainiako auzitegietan ministro ohiari galdeketa egiteko eskaera egin zuen. Dena den, Madrilgo 28. Instrukzio Epaitegiak atzera bota zuen eskaera hori 2017ko urrian.
Martin Villak behin baino gehiagotan esan du Servini epailearen aurrean deklaratzeko prest dagoela.
Maria Servinik gizateriaren aurkako hainbat delitu leporatzen dizkio: 1976ko martxoaren 3an Gasteizen Poliziak hil zituen bost langileren hilketa, 1977ko maiatzaren 12an Errenterian hil zuten Rafael Gomez Jauregiren hilketa, 1977ko maiatzaren 14an Iruñean hil zuten Jose Luis Cano Perezen hilketa, 1977ko maiatzaren 15ean Bilbon hil zuten Francisco Javier Nuñezen hilketa, 1976ko irailaren 8an Hondarribian hil zuten Jose Maria Zabala Erasunen hilketa, 1976ko uztailaren 9an Santurtzin hil zuten Maria Norma Mentxakaren hilketa eta 1977ko urtarrilaren 23an Madrilen hil zuten Arturo Ruiz Garciaren hilketa. Garai hartan, Martin Villa Espainiako Gobernazio ministroa zen.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.