Eztabaida gogorra Legebiltzarrean, EH Bilduren eta erakunde polizialen artean
Eusko Legebiltzarrak polizia gehiegikerien legea onartu du gaur. Aurretik, ordea, iskanbila eta eztabaida gogorra izan da EH Bilduren eta gaurko saioa gonbidatuen tribunatik jarraitzen ari ziren erakunde polizialen (Guardia Zibila eta Polizia) artean.
Julen Arzuaga EH Bilduko legebiltzarkideak hitza hartu duenean hasi da eztabaida. Gonbidatuen eserlekuetan, Estatuko Segurtasun Indarren hainbat elkartetako ordezkariak ez ezik (Jusapol elkartea tartean), polizia abusuen elkarteetako ordezkariak jesarri dira.
Dena den, ez da argi gelditu sesioa noiz eta nola hasi den; hau da, Julen Arzuagaren adierazpenekin izan den edo gonbidatuen tribunatik egindako keinu itsusien ondoren erantzun dien EH Bilduko legebiltzarkideak.
Kontuak kontu, Julen Arzuagak "erabateko mesprezua" adierazi die Estatuko Segurtasun Indarren erakunde korporatiboei eta "beraiek eragindako biktimak" ez aitortzeko "'lobby' nazkagarri bat" osatzea leporatu die.
Arzuagak salatu duenez, erakundeok "terrorismoaren erabateko inpunitatea eta beraiek egindako giza eskubide urraketak estaltzea bilatzen ari dira".
"Niretzat, Nurembergen epaiketa bat egon zelako protesta egin zuten naziak zarete; niretzat, giza eskubideen urraketak ez aitortzeko borroka egiten duten frankistak zarete. Nazkagarria, lotsagarria da", adierazi du.
Erakunde polizialetako kideak keinu itsusiak egiten (erdiko hatza erakusten) ari zitzaizkiela salatu dute EH Bilduko legebiltzarkideek, eta kexu agertu dira Bakartxo Tejeria Eusko Legebiltzarreko presidentearen aurrean. Azken horrek isiltzeko eskatu die guztiei eta, azkenean, Josu Estarrona EH Bilduko legebiltzarkidea kanporatu du.
PPko talde parlamentarioa osoko bilkuratik irten da une batez, protesta gisa. Dena dela, minutu batzuk igarotakoan itzuli egin dira. Irteten ari zirela, Arzuagari eta Mahaiko kideei zuzendu zaizkie.
Bestalde, Julen Arzuagaren hitz batzuk ("nazi" eta "genozida") eguneko aktatik erretiratuko direla iragarri du Bakartxo Tejeriak. "Ezin zaio inori nazi deitu", esan du.
Iskanbila igarotakoan, Eusko Legebiltzarrak polizia gehiegikerien legea onartu du.
Arzuagaren hitzaldiaren zati bat aktatik ezabatzea salatu du EH Bilduk
Julen Arzuagaren hitzaldiko hitz batzuk ("nazi" eta "genozida") eguneko aktatik erretiratzeko Bakartxo Tejeria Eusko Legebiltzarreko presidenteak hartutako erabakia salatu du arratsaldeko saioan Unai Urruzuno EH Bilduko legebiltzarkideak.
Arzuaga mehatxuak jasotzen ari dela ere salatu du Urruzunok.
Zure interesekoa izan daiteke
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.