13. EiTB Focus: EAJk irabaziko lituzke hauteskunde orokorrak EAEn
Euskal Irrati Telebistak (EiTB) 2019ko apirilean kaleratu zuen EiTB Focusen 13. inkesta. Orduko hartan, apirilaren 28an egitekoak ziren hauteskunde orokorretan EAEko herritarrek zuten boto asmoari buruz galdetu zuten.
Apirilaren 16an eta 17an telefono bidez 1.200 herritarrei egindako telefono bidez inkestaren arabera, EAJk irabaziko lituzke bozak, botoen % 28,9rekin eta sei ordezkarirekin
Lehen atal horren arabera, jeltzaleek Elkarrekin Podemosi aurrea hartuko liokete (bigarren indarra izango litzateke, beraz, azken hori). Alderdi morean babesen % 22 eta lau eserleku lortuko lituzke. Elkarrekin Podemosek gertu izango luke PSE-EE, botoen % 17,8rekin eta lau diputaturekin. EH Bildu litzateke EAEko laugarren aukera, botoen % 16,5ekin eta hiru eserlekurekin. Azken tokia PPrentzat litzateke (botoen % 9,4 eta ordezkari bakarra). Ciudadanosek eta Voxek ez lukete ordezkaritzarik lortuko.
Bigarren atalean, biharamunean kaleratutakoan, xeheago aztertzen ziren balizko emaitzak, lurraldeka. Inkestaren arabera, EAJ gailenduko litzateke Bizkaian eta Gipuzkoan; Araban, berriz, Elkarrekin Podemos izango litzateke garaile.
Azken lurralde horri erreparatuta, alderdi morea litzateke bozkatuena Araban, eserleku bat eskuratuta (botoen % 23). EAJk, PSE-EEk eta PPk ere ordezkari bana lortuko lukete. EH Bilduk, ordea, ez luke diputaturik erdietsiko lurralde horretan.
Bizkaian, jeltzaleak izango lirateke garaile, hiru eserlekurekin (botoen % 32,3). Elkarrekin Podemos bigarren indarra izatera pasatuko litzateke, botoen % 21,8 eta 2 eserleku lortuta. PSE-EEk ere bi eserleku lortuko lituzke, eta botoen % 18,1. Azkenik, EH Bilduk eserleku 1 eta botoen % 14,2 lortuko luke
Gipuzkoan EAJren garaipena aurreikusi bazuten ere (bi eserleku eta botoen % 26,7), bigarren indarra eskuratzeko lehia iragarri zuen inkestak. Hala, Elkarrekin Podemosen eta EH Bilduren artean, eserleku bat egongo litzateke jokoan. Apirileko EiTB Focusen arabera, koalizio abertzaleak eserleku bat galduko luke, Elkarrekin Podemosen mesedetan. PSE-EEk aulki bat eskuratuko luke.
Fitxa teknikoa
EAEn bizi diren 1.200 pertsonak (Arabako 400, Bizkaiko 400 eta Gipuzkoako 400) parte hartu zuten Gizakerrek EiTBrentzan egindako inkestan.
La= ±% 2,83, konfiantza-maila % 95, p=q=0'5, EAEko datuetarako.
Inkesten % 27,4 euskaraz egin ziren, eta gainerako % 72,6, gaztelaniaz. Inkesta egiteko hautatutako udalen populazio-tamainagatik haztatutako erabateko emaitzak izan ziren.
Landa-lana 2019ko apirilaren 16tik 17ra bitartean egin zuten, elkarrizketak telefonoz eginez.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.