Eserleku bat jokoan Gipuzkoan, EH Bilduren eta Elkarrekin Podemosen artean
Gipuzkoan egongo litzateke lehia handiena apirilaren 28ko hauteskunde orokorretan, Euskal Autonomia Erkidegoan egindako hamahirugarren EiTB Focus inkestak erakusten duenez.
Oraingo honetan, arabarren, bizkaitarren eta gipuzkoarren boto-asmoa aztertu du inkestak. Atzo argitaratutakoak, berriz, EAEko herritarren boto-asmoa erakusten zuen.
Apirilaren 16tik 17ra egindako galdeketaren arabera, Elkarrekin Podemos izango litzateke indar bozkatuena Araban, eta PPk EAEn lortuko lukeen eserleku bakarra lurralde horretan eskuratuko luke.
Bizkaiko datuei dagokienez, EAJ izango litzateke alderdi bozkatuena, eta Elkarrekin Podemos bigarren indarra.
Gipuzkoan, Elkarrekin Podemosen eta EH Bilduren artean eserleku bat egongo litzateke jokoan, nahiz eta EAJk lortuko lukeen boto kopuru handiena, eta horrenbestez, lehenengo indar bozkatuena litzateke.
Eserlekuen estimazioa Araban
Elkarrekin Podemos izango litzateke Arabako alderdi bozkatuena. Guztira, eserleku bat eta botoen % 23 lortuko luke; hots, 2016ko hauteskundeetan baino 8 puntu gutxiago, baina aurreko EiTB Focus inkestan baino puntu 1 gehiago.
EAJk, PSE-EEk eta PPk ere eserleku bana lortuko lukete. Jeltzaleek, botoen % 20,9 lortuta, ia 5 puntu egingo lukete gora duela hiru urteko hauteskundeekin alderatuta, eta 0,6 puntu gehiago lortuko lituzkete EiTB Focusen martxoko inkestan baino. Sozialistek, aitzitik, botoen % 19,3 jasoko lukete: aurreko inkestan baino 0,8 puntu gutxiago, baina 2016ko hauteskundeetan baino 3,5 puntu gehiago. Azkenik, botoen % 16,7 lortuta, PPk gaur egun daukan eserleku bakarrari eutsiko lioke, aurreko hauteskundeetan baino ia 4 puntu gutxiago eta martxoko EiTB Focus inkestan baino 1,3 puntu gutxiagorekin.
EH Bilduk ez luke ordezkaritzarik lortuko.
Boto-asmoa Araban 2019ko hauteskunde orokorretarako (konparazioa martxoa eta apirila). Iturria: Gizaker eta EiTB
Eserlekuen estimazioa Araban 2019ko hauteskunde orokorretarako. Iturria: Gizaker eta EiTB
Eserlekuen estimazioa Bizkaian
EAJ izango litzateke indar bozkatuena Bizkaian, botoen % 32,3 eta 3 eserleku lortuta. Hortaz, ia lau puntuko igoera izango luke azken hauteskundeetatik eta 0,1 puntukoa EiTB Focusen aurreko inkestatik.
Elkarrekin Podemos bigarren indarra izatera pasatuko litzateke, botoen % 21,8 eta 2 eserleku lortuta. Hau da, 2016ko hauteskundeetan baino 7,3 puntu gutxiago izango lituzke, baina martxoko inkestan baino 1,5 puntu gehiago.
PSE-EEk ere bi eserleku lortuko lituzke, eta botoen % 18,1, alegia, orain dela hiru urteko hauteskundeetan baino 4,1 puntu gehiago. Aurreko inkestak, baina, botoen % 20,5 lortuko lukeela aurreikusi zuen.
Azkenik, EH Bilduk eserleku 1 eta botoen % 14,2 lortuko luke: EiTB Focusen azken inkestak aurreikusitakoa baino 1,1 puntu gehiago, eta 2016ko hauteskundeetan baino 3,2 puntu gehiago.
Boto-asmoa Bizkaian 2019ko hauteskunde orokorretarako (konparazioa martxoa eta apirila). Iturria: Gizaker eta EiTB
Eserlekuen estimazioa Bizkaian 2019ko hauteskunde orokorretarako. Iturria: Gizaker eta EiTB
Eserlekuen estimazioa Gipuzkoan
EAJ izango litzateke lehenengo indarra Gipuzkoan, 2 eserleku eta botoen % 26,7 lortuta. Horrenbestez, 3,3 puntuko igoera izango luke aurreko hauteskundeekin alderatuta, eta 0,9 puntu gehiago EiTB Focus inkestaren azken emaitzetan baino.
Elkarrekin Podemosen eta EH Bilduren artean, eserleku bat egongo litzateke jokoan. Horrek esan nahi du lehia dagoela Gipuzkoako bigarren eta hirugarren indar bozkatuenen artean. Portzentajeak aurreko EiTB Focusek emandakoen oso antzekoak badira ere, eta martxoko datuekin alderatuta bi koalizioek boto kopurua gehitzea lortuko luketen arren (0,3 puntu EH Bilduk eta 1,1 puntu Elkarrekin Podemosek), apirileko inkestaren arabera EH Bilduk eserleku bat galduko luke eta Elkarrekin Podemosen esku geratuko litzateke. 2016ko hauteskundeekin alderatuta, koalizio abertzaleak 2,9 puntu gehiago lortuko lituzke, eta Elkarrekin Podemosek 6,9 puntu gutxiago.
Laugarren indarra PSE-EE izango litzateke Gipuzkoan, eserleku 1 eta botoen % 16,7 lortuta: martxoko EiTB Focus inkestan baino 2,6 puntu gutxiago eta 2016ko hauteskundeetan baino 2,5 puntu gutxiago.
Boto-asmoa Gipuzkoan 2019ko hauteskunde orokorretarako (konparazioa martxoa eta apirila). Iturria: Gizaker eta EiTB
Eserlekuen estimazioa Gipuzkoan 2019ko hauteskunde orokorretarako. Iturria: Gizaker eta EiTB
Fitxa teknikoa
EAEn bizi diren 1.200 pertsonak (Arabako 400, Bizkaiko 400 eta Gipuzkoako 400) parte hartu dute Gizakerrek EiTBrentzan egindako inkestan.
La= ±% 2,83, konfiantza-maila % 95, p=q=0'5, EAEko datuetarako.
Inkesten % 27,4 euskaraz egin dira, eta gainerako % 72,6, gaztelaniaz. Inkesta egiteko hautatutako udalen populazio-tamainagatik haztatutako erabateko emaitzak dira.
Landa-lana 2019ko apirilaren 16tik 17ra bitartean egin zuten, elkarrizketak telefonoz eginez.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.