EAJ-PSE ituna negoziatzeko aste erabakigarria
Gaur-gaurkoz ia ziurtzat ematen den EAJren eta PSE-EEren arteko gobernagarritasun akordioa da Euskal Autonomia Erkidegoan udal gehien dantzan jarriko lituzkeena, eta kasu gehientsuenetan EH Bilduri eragotziko lioke Alkatetza eskuratzea boto gehien lortu duen udalerrietan ere.
Gipuzkoan, Lezo, Mendaro, Soraluze, Pasaia eta Andoain leudeke egoera horretan. Azken bien kasuan —gaur egun EH Bilduren esku dagoen Andoain eta PSE-EEk gobernatzen duen Pasaia— alkate makila PSE-EEren esku utziko luke jeltzaleen eta sozialisten indar batuketak. Soraluzen, aliantza berak EAJ bultzatuko luke alkatetzara.
Bizkaian, gaur egun alkate jeltzalea duen Alonsotegin ere, parez pare ordezkaritan EH Bildu eta EAJ, lehenengoek boto gehiago lortu arren. PSE-EEren zinegotzi bakarraren laguntzari esker, alkate makila ez litzateke jeltzaleen eskuetatik mugituko.
Arabako Zigoitian bai, kasu honetan EH Bilduko alkatea izatetik udalburu jeltzalea izatera pasatuko lirateke sozialisten laguntzari esker.
Orain arte PPko alkatea izan duen Guardian, berriz, PPk eta EAJk hiruna zinegotzi lortu dituzte. Kasu honetan, gobernagarritasunaren giltza EH Bilduren 2 zinegotziek edota PSE-EEren bakarrak izan lezakete. Bastidan ere, PPkoak kezkatuta daude, sozialistek zinegotzirik atera ez duten udal honetan, EAJk eta EH Bilduk bat eginda, Alkatetza kenduko lioketelako PPri.
Txanponaren beste aldea, Kuartangon. Berdinketaren giltza popularrek dute hemen; PPko bi zinegotziek hiruna atera dituzten EAJren eta EH Bilduren berdinketa apurtuko lukete.
Azkenik, beste balizko puzzle bat, Durangokoa. Azken 40 urteotan EAJren esku egon den herrian jeltzaleak irabazle atera arren, egun dituzten 8 zinegotziek itunak egitera bultzatu dute EAJ. Baina norekin? PSE-EEk lortutako biekin 10 izango lituzkete, eta EH Bilduk eta Podemosek bat eginda 11 pilatuko lituzkete
Galdera, kalkulu eta alderdien arteko barne-presio guztien emaitza datorren larunbatean azaleratuko da, Udalak osatzen diren egunean.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.