Iglesiasek Sanchezen inbestiduraren aurka egitea ez du baztertu
Iturri sozialisten arabera, Pedro Sanchezen inbestiduraren aurka egitea baztertzen ez duela esan dio Pablo Iglesias Podemoseko buruzagiak Espainiako jarduneko gobernuburuari. Hala ere, Sanchezek inbestidura saioa uztailean deitzeko asmoa du, nahiz eta babesak aldez aurretik ez itxi.
PSOEri 123 eserleku eta Unidas Podemosi 42 ordezkari eman zizkieten hauteskunde orokorrak egin eta ia bi hilabete geroago, bi buruzagiek Moncloan ordubeteko bilera egin dute. Elkarrizketa desadostasunarekin amaitu da. Nahiz eta biek ezkerreko gobernu bat nahi, Pablo Iglesiasek ez dio koalizioari uko egiten, eta Pedro Sanchezek ez du alderdi moreko ministrorik nahi bere exekutiboan.
Aurreko bi hiru bileretan lankidetza eta adostasunerako borondatea desadostasunen gainetik jarri baziren ere, oraingoan bi buruzagiak akordiotik oso urrun daudela argi utzi dute bi alderdiek.
Lehenago akordio bat itxi ezean, ezezko botoa ematearekin mehatxu egin dio Pablo Iglesiasek gobernuburuari. Horrek bigarren inbestidura saio bat deitzera behartuko luke, eta konponbiderik ez balego hauteskundeak errepikatzera ere. Era berean, PP eta Ciudadanos baiezko botoa ematearen aurka agertu dira orain arte.
"PSOEk ez du erabaki inbestidura aurrera ateratzeko ezkerrarekin edo eskuinarekin akordioa nahi duen", egiaztatu du Podemosek arratsaldeko bileran. Horregatik, jarduneko gobernuburuari erabakitzeko eskatu dio koalizio moreak.
PSOEk jakitera eman duenez, hiru esparrutan "lankidetza Gobernua" proposatu dio Pedro Sanchezek Iglesiasi: programatikoa, parlamentarioa eta instituzionala.
Zure interesekoa izan daiteke
Eusko Legebiltzarrak atzera bota du ETAren biktimei egindako irainak lege bidez zigortzeko proposamena
EAJk eta PSE-EEk zuzenketa bat bultzatu dute hezkuntza, gizarte eta zigor neurri berriak aztertzeko, birbiktimizazioari aurre egiteko.
Plus Ultra prest agertu da gertakariak argitzen laguntzeko
Aire konpainiaren arabera, prozesuak eskatzen du informazioa "ardura eta zehaztasun" handiz lantzea, "interprertazio partzialak eta testuingurutik kanpokoak" ekiditeko.
Espainiako lurralde-mapa "erabat itxita" dago eta Trebiñu Burgos da, Gaztela eta Leongo Gobernuaren arabera
Hala azpimarratu du Carlos Fernandez Carriedo Gaztela eta Leongo Gobernuaren bozeramaileak, Trebiñu Arabarekin bat egiteko erreferenduma deitzeko aukeraz Mikel Legarda EAJren diputatuak asteazken honetan Kongresuan galdetu ostean.
"Donostiak ez dauka bertigorik" Insaustiren arabera, baina 2030eko Mundialerako hautagaitza zorrotz aztertzearen alde egin du
ETB2ko "En Jake" saioan egin dioten elkarrizketan, zerga turistikoaz hitz egin du Jon Insausti Donostiako alkateak. Horren esanetan, zerga turistikoari esker 10 milioi euro bildu ditzakete urtebetean.
Pedro Sanchezek babes osoa eman dio Zapatero presidente ohiari Kongresuan
Kongresuan, eta Alberto Nuñez Feijoo oposizioaren buruarekin izandako aurrez aurrekoan, Sanchez estreinakoz mintzatu da jendaurrean Zapateroren inputazioaren inguruan. Feijook azalpenak eskatu dizkio eta karguan jarraitzeak presidentzia "zikindu" egiten duela esan dio.
Eusko Legebiltzarrak estrategia turistikoan jasangarritasunak "denean eragin" dezala eskatu du, eta baztertu egin du EH Bilduren proposamena
EH Bilduk udalen karga ahalmena neurtzeko eta turistifikazio maila sailkatzeko tresna zehatzak sortzea proposatzen zuen, baina mozioa atzera bota dute aurkako 46 boto (EAJ, PSE-EE, PP eta Vox) eta aldeko 27 (EH Bildu eta Sumar) jaso dituztelako.
Eneko Anduezak espero du Zapaterok justiziaren aurrean emango dituen "argudioak nahikoak izatea absoluziorako"
Eneko Andueza PSE-EEren idazkari nagusiak adierazi duenez, “espero” du Espainiako Gobernuko presidente ohi Jose Luis Rodríguez Zapaterok justiziaren aurrean emango dituen “argudioak nahikoak izatea absolbitu dezaten”. Bestalde, Bilbo eta Donostia 2030eko Munduko Txapelketaren egoitza izateko aukerari buruz agertu diren zalantzez, batez ere euskal erakundeen eta EAJren aldetik, Anduezak esan du “batzuei bertigoa sartu zaiela” ekitaldi hori antolatzearen inguruan, eta ez zaiola “epe laburreko errendimenduari” soilik begiratu behar.
Asensiok esan du "erabateko konfiantza" duela Zapaterorengan, eta auzipetze-autoan "susmoak" besterik ez daudela
Jose Ignacio Asensio Gipuzkoako PSE-EEren idazkari nagusiak Radio Euskadiko mikrofonoen aurrean adierazi du Jose Luis Rodriguez Zapaterorengan “erabateko konfiantza” duela. Halaber, auzipetze-autoan "frogarik ez" dagoela eta, une batzuetan, "errugabetasun printzipioa urratu egiten" duela ere esan du.
Jesus Eguiguren: "'Lawfare'a baino gehiago da, estatu kolpe bat martxan dago legegintzaldi guztian"
PSE-EEren presidente ohiaren arabera, Sanchezek Zapateroren "kolpea" ere gaindituko du eta legegintzaldiaren amaierara arte iraungo du.
Rufianek hauteskunde batzuetan zerrendaburu izatea onartuko luke, horrek ezkerra batzen lagunduko balu
Gabriel Rufian ERCk Kongresuan duen bozeramaileak defendatu du ezker soberanistaren eta espainiarraren arteko hautagaitza baten buru izango litzatekeela, horrek "hauteskunde-emaitzak handitzen" lagunduko balu, eta "aurrera!" egiteko oihua egin du.