Ikerketa 'oztopatzeagatik' Osasun Saila gaitzestea errefusatu du Legebiltzarrak
Osasun Sailaren jarrera gaitzestea nahi zuten EH Bilduk eta Elkarrekin Podemosek, baina Eusko Legebiltzarrak ez du ekimena onartu. Justiziaren esku informazio guztia ez jartzea eta epaitegien ikerketa "oztopatzen saiatzea" leporatzen zion mozioak Sailari.
2016-2017ko Osakidetzako lan-eskaintza publikoaren probetan ustez izan ziren filtrazioen inguruan bi mozio aurkeztu dituzte EH Bilduk eta Elkarrekin Podemosek Eusko Legebiltzarrean. Gasteizko epaitegi bat azterketen filtrazioak ikertzen ari da. Jon Darpon Osasun sailburuaren eta Osakidetzako beste kargudun batzuen dimisioak eragin ditu auziak.
EH Bilduk eta Elkarrrekin Podemosek adostutako zuzenketa ez du onartu Ganberak, ezta PPrena ere. EAJk eta PSE-EEk aurkeztutakoa ere atzera bota dute taldeek.
Zuzenketan, eztabaidaren bultzatzaileek, Osasun Saila gaitzesteaz gain, Belen Greaves (EAJko buruzagi ohia) Eusko Jaurlaritzako funtzionarioari espediente informatibo bat zabaltzea eskatzen zuten, 2016-2017ko lan-eskaintza publikoan barne ikerketako arduradun bezala izan zuen jokabidea aztertzeko.
Ikerketaren zati bat Fiskaltzari igorri ez ziotela errepikatu dute bi talde politikoek. Informazioa Gasteizko epaitegiak eskatu zuenean bakarrik bidali zela erantsi dute.
Lan-eskaintza publikoaren material eta operazio guztiak fiskalaren esku uztea eskatu diete Sailari eta Osakidetzari, azterketak zuzentzeko makinak barne. Era berean, lan-eskaintzaren ebazpen prozesu guztiak bertan behera uztea eskatu dute, mediku pediatrena eta familia-medikuena salbu.
EAJren eta PSE-EEren zuzenketa bateratuan, ikerketarako beharrezkoa den informazio guztia errazten jarraitzea eskatzen zioten jeltzaleek eta sozialistek Eusko Jaurlaritzari, baina Legebiltzarrak atzera bota du.
Azkenik, ikerketa judizialerako informazioa bidaltzeko garaian izandako ardura faltaren aurrean, "justiziarekin erabateko lankidetza jarrera bat" hartzea eskatzen zion PPk Jaurlaritzari bere zuzenketan.
Zure interesekoa izan daiteke
Ekain Rico (PSE): "EAJk ke-pantailak sortu ditu: bat, Estatutu berriarekin, eta bestea, fotomuntaketarekin"
Buruzagi sozialistak "hiperbentilazioaz" edo "gehiegizko antzeztapenaz" hitz egin du jeltzaleen jarrera kritikatzeko orduan.
Koldorekin "lotura berezia" zuela onartu du Abalosek eta Aldama ezagutzeari garrantzia kendu dio
Ministro ohiak akusatu gisa deklaratu du Auzitegi Gorenean, eta aholkulari ohiaren izendapena defendatu du, bere "leialtasunagatik".
Otxandianok azpimarratu du EAJren eta PSE-EEren arteko talka ez dela "oso eraikitzailea" eta Jaurlaritzaren egonkortasuna zalantzan jarri du
Pello Otxandianoren ustez, Eusko Jaurlaritzako bi kideen arteko liskarrek "jendea urrunarazten dute" eta epe luzerako proiektu bat eskaintzeko gai direnik zalantzan jarri du.
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.