PSOEk Unidas Podemosi egindako itun eskaintza babestu du PSE-EEk
PSE-EEren Zuzendaritza Batzordea arratsaldean bildu da, Bilbon. Kooperazio Gobernua osatzeko, PSOEk Unidas Podemosi eskainitako itun programatikoa babestu dute Euskadiko sozialistek. Eskaintzaren arabera, Pablo Iglesiasen koalizioko kideek ez dute lekurik izango Ministroen Kontseiluan.
Bere inbestidura zehazteko saiakeran, Pedro Sanchez PSOE idazkari nagusiari babesa adierazi dio PSE-EEren Zuzendaritza Batzordeak ohar batean. Horretarako, Zuzendaritza Federalak igandean onartutako agiria oinarri hartu dute EAEko sozialistek: "Espainiak aurrera: Gobernu Sozial, Feminista, Ekologista, Europeista eta Progresista baterako kooperazio proposamen irekia".
Itun programatiko batean lanean hasteko eskaintza egin dio PSOEko Zuzendaritzak Unidas Podemosi astelehen honetan, kooperazio Gobernua osatzeko. Koalizio morearekin Exekutiboa adostu nahi dute sozialistek. Pablo Iglesiasen koalizioko kideek tokia izango dute Administrazioan, baina erdi-mailako karguetan soilik, sekula ez Ministroen Kontseiluan.
Zuzendaritza Batzordeak onartutako dokumentua Pedro Sanchezen hitzaldiaren ardatza izango da inbestidura saioan, uztailaren 22an. Hala ere, Podemosen ekarpenei zabalik dago alderdia, Cristina Narbona PSOEko presidenteak azaldu duenez.
Cristina Narbona PSOEko presidentea. Argazkia: EFE/Luca Piergiovanni
Agiriak 38 orrialde eta bost bloke nagusi ditu. PSOEk hauteskunde programaren laburpen bat egin du: enplegu duina eta pentsioak; feminismoa eta gizarte desoreken aurkako borroka; larrialdi klimatikoa eta ekonomiaren trantsizio ekologikoa; aurrerapauso teknologikoa eta trantsizio digitala; eta Espainia Europan, Espainia munduan.
Bilera
Negoziazioan aurrera egiteko asmoz, Sanchez eta Pablo Iglesias astearte honetan bilduko dira. Negoziaziorako batzorde bat izendatu du PSOEk: Adriana Lastra Kongresuko bozeramailea, Maria Luiz Martinez Seijo diputatu eta PSOEko Hezkuntza idazkaria, Maria Jesus Montero jarduneko Ogasun ministroa eta Francisco Salazar diputatu eta PSOEko Hauteskunde Ekintza idazkaria.
Bestalde, PSE-EEko Zuzendaritza Batzordeak gogorarazi duenez, hauteskunde orokorretan eserlekua lortu zuten EAEko 18 diputatu sozialistek "Gobernu progresista baten beharra ikusten dute, eskuinen batasuna eragozteko, Euskadiren autogobernuarekin konpromisoa izateko; Pedro Sanchezek zuzendutako Exekutibo bat da aukera bakarra".
Zure interesekoa izan daiteke
Pradalesek gehiengo sindikala hartuko du, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.