Nafarroako presidente berriaren kargua hartzeko ekitaldian izango da Urkullu
Maria Chivitek Nafarroako presidente kargua hartuko du datorren asteartean, abuztuaren 6an, Foru Erkidegoko Parlamentuaren egoitzan, eta gonbidatuen artean Iñigo Urkullu lehendakaria izango da, Eusko Jaurlaritzak baieztatu duenez.
Nafarroako ereserkia jo ostean, Foru Erkidegoko presidente karguaren zina egingo du Chivitek. Jarraian, Nafarroako Parlamentuko presidenteak, Espainiako Gobernuko jarduneko Sustapen ministroak eta Nafarroako Gobernuko presidentea berak hartuko dute hitza. Baliteke Chivitek bere hitzaldian Nafarroaren estatusa aldarrikatzea eta “lurralde plural” batean elkarrizketek duten garrantziari aipamen egitea.
Astelehenean, Uxue Barkos (Geroa Bai) azken legealdian Nafarroako presidentea izan denak eta Maria Chivitek aginpide aldaketa egingo dute, 2019-2023 legaldiari hasiera emanez.
Gauzak horrela, asteartean Nafarroako Parlamentuaren egoitzan egingo den ekitaldian izango da Urkullu, presidente berriak egindako gonbita onartuz.
2016ko azaroaren 26an, Iñigo Urkullu lehendakariak Gernikako Juntetxean egin zuen kargua hartzeko ekitaldian izan zen Uxue Barkos.
Eusko Jaurlaritzak eta Nafarroako Gobernuak 18 arlotan lankidetzan aritzeko protokolo bat¿ sinatu zuten 2016ko maiatzean. Besteak beste, honako alorretan elkarlanean jarduteko konpromisoa hartu zuten bi gobernuek: gizarte-zerbitzuak, berdintasuna eta emakumeen aurkako indarkeria, osasuna, hezkuntza, kultura, hizkuntza politika, bake eta bizikidetza, turismoa edota ingurumena.
Maria Chivite ostiralean izendatu zuten Nafarroako presidente, bigarren bozekatan. PSN, Geroa Bai, Podemos eta Izquierda-Ezkerra alde agertu ziren, EH Bilduko bost kide abstenitu egin ziren eta Navarra Sumak kontra bozkatu zuen.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.