'Batzuek onen eta txarren kontaketa bat inposatu nahi dute', salatu du Sortuk
Arkaitz Rodriguez Sortuko idazkari nagusiak salatu duenez, "eragile politiko batzuek onen eta txarren kontaketa bat eta zuzenen eta zuzengabeen arteko kontaketa bat" inposatu nahi dute, eta "horrek ez du inolako zerikusirik gertatutakoarekin"; gainera, Rodriguezen iritziz, "kontaketa horrekin, ez dago eratzerik bidezkoa, egonkorra eta iraunkorra den bakerik".
Ostiral honetan egin ditu adierazpen horiek Rodriguezek, Zarauzko hilerrian. Bertan, Jon Paredes 'Txiki' eta Angel Otaegi ETAko kideen aldeko omenaldian parte hartu du; frankismoan fusilatu zituzten, eta Ahaztuak elkarteak, horien heriotzaren 44. urteurrenean, omenaldi hori antolatu du.
Arkaitz Rodriguezek gogora ekarri ditu, halaber, "demokrazia eta bakearen alde, eta Euskal Herriaren askatasunaren alde bizitza eman duten ehunka lagunak".
"Gureak gogora ekartzeko eskubidea"
"Aldarrikatu nahi dugu eskubidea dugula gureak gogora ekartzeko, geure eskubidea da. Geure memoria babesteko eskubidea dugu, geure kontaketa egiteko eskubidea", nabarmendu du.
Kritikatu du hainbat eragile politiko "lanean ari direla memoria hori kriminalizatu eta baztertzeko. Onen eta txarren kontaketa bat inposatu nahi dute, zuzenen eta zuzengabeen arteko kontaketa bat, eta horrek ez du inolako zerikusirik gertatutakoarekin. Kontaketa horrekin, ez dago eratzerik bidezkoa, egonkorra eta iraunkorra den bakerik".
Ziurtatu duenez, eragile politiko horiek "ezker abertzalearen aurka jotzen jarraitzen dute, eta egunero botatzen dituzte exijentziak, iraganean gertatutakoaren gainean; exijentzia horiek gero eta handiagoak dira"."Ezker abertzaleari zuzentzen zaizkio, nahiz eta ezker abertzaleak, dagoeneko, onartu duen gure herriko indarkerietan eta sufrimenduetan izan duen ardura; horixe egin duen eragile politiko bakarra da", azpimarratu du. "Eragile horiei esaten diegu garaia dela ezker abertzalearekin duten exijentzia-maila hori euren buruarekin ere izateko, eta, bereziki, euskal politikatik, behingoz, euren indarkeriak kentzeko".
Rodriguezen esanetan, bakeak eta elkarbizitzak eskatzen dituzte "biktima guztien onarpena eta erreparazioa, egia osorik jakitea, preso politiko guztien askatasuna, eta autodeterminaziorako Euskal Herriak duen eskubidea onartzea eta errespetatzea".
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.