Alderdiek azken eguna dute gaur A10erako koalizioak erregistratzeko
Alderdi politikoek gaurko 14:00ak arte dute azaroaren 10eko hauteskunde orokorretan lehiatuko diren koalizioak erregistratzeko. Lurraldeko hauteskunde batzordeetan edota Hauteskunde Batzorde Nagusian (baldin eta probintziaz gaindikoak badira) egin beharko dute izapidea.
Hauteskunde errepikapena inbestidura faltak eragin duenez, prozedura berezia izango da oraingoan. Hori horrela, apirilaren 28an aurkeztu ziren koalizio hautagaitzak berretsi beharko dituzte euren ordezkariek azaroko bozetan lehiatu ahal izateko.
Duela bost hilabete 11 koalizio aurkeztu ziren hauteskunde lehiara probintzia batean baino gehiago lehiatzeko; Unidas Podemos eta Recortes Cero-Grupo Verde koalizioak, esaterako.
11 horien artean, baina, ez zeuden probintzia batean bakarrik aurkeztu ziren koalizioak: Navarra Suma, adibidez.
Horrez gain, hiru Katalunian bakarrik aurkeztu ziren (ERC eta Junts, berbarako), bi Valentzian (Compromis) eta bat Kanarietan (ANVk eta Unidad del Pueblok osatu zutena).
Aipatutakoez gain, Iñigo Errejonek sortu duen Mas País alderdiaren koalizio berria aurkeztuko da azaroko hauteskundeetara. Lagun izango ditu, ziurrena, Equo (hainbat erkidegotan), Compromis (Valentzia), En Marea (Galizia), Chunta Aragonesista (Aragoi) eta Mes (Balear Uharteetan).
Koalizioak erregistratuta, Kongresurako eta Senaturako zerrendak aurkeztu beharko dituzte alderdiek. Horretarako, urriaren 2tik 7ra izango dute epea (24:00ak arte). Hautagaitza horiek urriaren 9an kaleratuko dituzte Estatuko Aldizkari Ofizialean, baina behin-behineko zerrendak izango dira, okerrak zuzendu eta inpugnazioak aurkezteko epea zabalduko baita segidan. Urriaren 15ean kaleratuko dira behin betiko zerrendak.
Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.