Istiluek eta protestek ez dutela Kataluniako arazoa konponduko esan du Ortuzarrek
Kataluniako gatazka politikoa konpontzeko bide bakarra elkarrizketa eta erabakitzeko eskubidea aitortzea direla esan du Andoni Ortuzar EBBko presidenteak. Horren hitzetan, azken asteotako istiluek ez diote konponbideari laguntzen, ezta Societat Civil Catalana erakundeak gaur egin duen manifestazioak ere.
Politika egiteko "bide demokratikoak" erabiltzea aldarrikatu du buruzagi jeltzaleak. "Zarata eta espektakulu-politikaren aurrean, guk aldarrikatzen duguna zero kilometroko politika da. Jendearengana hurbildu eta ahotsa eman", esan du.
Fernando Grande-Marlaska jardunean dagoen Espainiako Barne ministroak gaur argitaratutako elkarrizketa batean esandakoa ere izan du hizpide Ortuzarrek. ETAren indarkeriarekin alderatu ditu Katalunian gertatzen ari diren istiluak. Are, Kataluniako istiluetan izandako "indarkeriaren maila" duela urte batzuk Euskal Herrian izandakoa baino "indartsuagoa" dela adierazi du.
Gogor kritikatu ditu hitzok EBB presidenteak, eta basakeriatzat jo du alderaketa. "Ezin dira alderatu. Kataluniako independentzia prozesua eta ETAren indarkeria alderatzeak ez du inolako zentzurik", gaineratu du.
Arduraz eta zuhurtziaz jokatzeko eskatu dio Marlaskari, eta "konfrontazioa" areagotzen duten mezuak alde batera uzteko. Kataluniako arazoaren konponbideari ez diote ezertan laguntzen gaurkoa bezalako adierazpenek, Ortuzarren arabera. "Elkarrizketatik eta jendeari ahotsa ematetik etorriko da konponbidea. Erreferendum batekin ziurtatuko da hori", gaineratu du.
Azkenik, Francoren desobiratzeaz ere mintzatu da, eta behin diktadorea Erorien Haranetik aterata, orain, "han dauden biktima guztiei leku duin bat eskaintzeko ordua" dela esan du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.