Eusko Alkartasuneko militantzia batzea izango da Eba Blancoren lehentasuna
Eba Blanco Eusko Alkartasuneko idazkari nagusi berriak adierazi du "zilegitasun osoa" daukala alderdia zuzentzeko eta elkarrizketarako eskua luzatu dio sektore kritikoari, "konfiantza eta harreman politikoak berriz osatzeko".
Blanco atzo izendatu zuten EAko buruzagi berria eta gaur agerraldia egin du Gasteizen. Maiorga Ramirez ere aurkeztu zen primarioetara, baina haren hautagaitza baliorik gabe utzi zuten. Sektore kritikoak ez dio baliorik eman Blancoren izendapenari eta helegitea aurkeztu du alderdiaren baitako organoetan.
Blancok ziurtatu du barne-hauteskundeetan parte hartzeko araudia zorrotz bete duela, eskatutako abal kopurua 50ekoa zela eta berak "badaezpada" 60 sinadura aurkeztu zituela ekarri du gogora. Hautagaitza gehiago egotea "aberasgarriagoa" izango litzatekeela iritzi dio, baina azpimarratu du "zilegitasun osoa" daukala alderdia zuzentzeko eta erantsi du afiliatu askoren babesa daukala, tartean kongresu arteko organo nagusia den Asanblada Nazionalarena.
Orain "etorkizunari begiratzeko" eta "Eusko Alkartasunak EH Bilduren baitan daukan presentzia, irudia, ahotsa eta eragiteko ahalmena indartzeko eta bermatzeko" unea dela nabarmendu du. "Madriletik datozen joera ultrak eta zentralizatzaileen ondorioz, ezinbestekoa da EAk eta EH Bilduk gero eta indar gehiago izatea", gaineratu du.
Bide horretan Eusko Alkartasuneko parte diren pertsona guztiak "beharrezkoak" direla esan du; izan ere, "zatiketak ahuldu egiten gaitu eta nire helburu bakarra EA sendoa izatea da", azpimarratu du.
Zure interesekoa izan daiteke
Lehendakaria agintaldiko politika orokorreko bigarren eztabaida prestatzen ibili da alderdikideekin
Bere agintaldiko politika orokorreko bigarren eztabaidari helduko dio bihar, osteguna, Imanol Pradalesek. Bertan, ekonomian jarriko du arreta, nazioarteko testuinguru korapilatsuaren eta inflazioaren igoeraren aurrean. Herritarrak kezkatzen dituzten beste arazo batzuk ere hartuko dituzte hizpide; hala nola etxebizitza, osasuna, hezkuntza, segurtasuna eta immigrazioa.
Espainiako Estatuaren egoera politikoa aztertu dute EH Bilduk eta ERCk Bilbon, aldebiko bilera batean
EH Bilduren ordezkaritzaren buru Arnaldo Otegi idazkari nagusia izan da, eta ERCrena, Oriol Junqueras presidentea. Koalizio abertzalea beste herrialdeetako alderdi subiranistekin eta Espainiako Estatuko ezker konfederalarekin egiten ari den aldebiko bilera-sortaren barruan kokatzen da gaurko hitzordua.
Melgosak migrazio-eskumenak eskatu ditu, kudeaketak bertan egiteko ahalmena izateko
Nerea Melgosa Ongizate, Gazteria eta Erronka Demografikoko sailburuak egiturazko plan bat eskatu dio Espainiako Gobernuari, "inprobisatzeari" utz diezaion. Era berean, gogorarazi du Euskadi solidarioa dela, baina migrazio-eskumenak transferitzea beharrezkoa dela.
Esteban, Anduezaren kritikei buruz: "Hauteskundeak hurbil daude, PSEk indartsu ikusten gaitu eta arrazoi dute"
Euskadi Irratian egindako elkarrizketan Aitor Esteban EAJren EBBko presidenteak adierazi du 2027ko hauteskundeen "aurrekanpaina giroa" aurreratu egin dela, eta "PSE horretan buru-belarri" ari dela.
Albiste izango dira: kontrolerako saioa Kongresuan, Chiviteren azalpenak Belateri buruz eta Zinemaldiko izarrak iristear
Gaurkoan Orain-en albiste izango direnen laburpena, bi hitzetan.
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".