Militanteei 'ahotsa' ematea eskatu du EAko sektore kritikoak
Alderdiko militantziari "ahotsa ematea" eskatu du Eusko Alkartasunako (EA) sektore kritikoak, barne-hauteskundeetan "bi proiektuen" artean erabaki ahal izateko, "gardentasunez eta baldintza berdinetan". Alderdiko hauteskunde antolakuntza batzordeak Maiorga Ramirezen hautagaitza baliogabetu zuen. Ramirezek erabakiaren aurka helegitea aurkeztu du. EAko idazkari nagusia izateko beste hautagaia Eba Blanco (sektore ofiziala) da.
Donostian egindako ekitaldian, Esther Larrañaga Eusko Jaurlaritzako sailburu ohiak kritikatu duenez, primarioak "militantziaren parte-hartze eta aktibaziorako prozesu bat izan beharko litzateke", baina "oztopo-lasterketa gaindiezina bihurtu da, eta liskarrera eraman gaitu". EAko ehunka militante eta kargudun izan dira ekitaldian, besteak beste, Maiorga Ramirez, Carlos Garaikoetxea lehendakaria eta Ikerne Badiola Gipuzkoako diputatu ohia.
Ramirezen hautagaitza baliogabetu zuen EAko hauteskunde antolakuntza batzordeak, Ipar Euskal Herritik aurkeztutako zazpi abaletatik bost baliozkoak ez direlakoan. Zentzu horretan, bizi diren tokiaren arabera, militante batzuen botoek beste batzuenak baino gehiago balio ote duten galdetu du Larrañagak.
EAko barne-hauteskundeetara aurkeztu ahal izateko, gutxienez 50 abal beharrezkoak dira zazpi herrialdeetan, eta horietako bost gutxienez barruti bakoitzeko. Ramirezek 400 abal aurkeztu zituen eta Blancok 60.
Ipar Euskal Herritik aurkeztutako zazpi abaletatik bost baliogabetu zituen hauteskunde batzordeak; ondorioz, ordezkari nafarraren hautagaitza bertan behera utzi zuen.
Larrañagaren ahotan, alderdiak "jarraitu beharreko ildo politikoaren inguruan beti eztabaidatu izan du" EAko militantziak, eta kargudun publikoek "sozialdemokraziaren ahotsa erakundeetara eraman dute". "Gainera, EAk Euskal Herriko herri bakoitzaren bizitza sozial, politiko eta kulturala aktibatu du, eta militantzia eginez txoko guztietan zabaldu da", azpimarratu du.
Testuinguru honetan, "alderdi ereduaren inguruko erabakian parte hartu nahi du" EAko militantziak, eta horregatik "bozkatu" nahi du, erantsi duenez. Horrela, "militantziari ahotsa ematea" eskatu du, "afiliatuek nahi dugun alderdi eredua erabakitzeko".
Zure interesekoa izan daiteke
Aurrekontuak onartu ezean, hauteskundeak deitzea eskatu dio EAJk Sanchezi
Jeltzaleek gehiengo parlamentarioa galdu izana leporatu diote Gobernuari, eta Sanchezek esan du alderdiekin negoziatuko duela kontuak aurrera ateratzeko.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Gizon bat atxilotu dute Enrique Maya Iruñeko alkate ohiari egindako erasoarekin lotura duelakoan
Joan den ekainaren 9an, Iruñeko alkate ohia iraindu eta kolpatu zuten Estafeta kalean, baina ez zen zauritu. Mayak gertakaria salatu egin zuen, eta ustezko egilea atxilotu dute orain, segurtasun-kamerak aztertu ondotik.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, bere errugabetasuna berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.
Zapaterok bitxiengatik ere deklaratuko du asteazken honetan, Calama epaileak atzeratzea ukatu ostean
Espainiako gobernuburu ohiaren defentsak atzerapena eskatu zion Calama epaileari, gutxienez 1,3 milioi euroko balioa duten bitxien jatorriari buruzko dokumentazioa biltzeko denbora gehiago edukitzeko. Ferrazko bere bulegoan aurkitutako bitxiengatik kontrabando eta zerga delituak leporatu dizkio.