Kataluniako Kanpo Ekintzaren Plana bertan behera utzi du Auzitegi Konstituzionalak
Kataluniako Kanpo Ekintzaren Plana bertan behera utzi du Auzitegi Konstituzionalak asteazken honetan. Espainiako jarduneko Gobernuak hori zuen eskatuta; izan ere, haren iritziz, Plana Generalitatearen jarduketa-arlotik kanpo zegoen, eta ez du errespetatzen Estatuak kanpo-ekintzaren koordinazioaren arloan duen eskumena.
Epailearen erabaki batean, Berme Auzitegiaren osoko bilkurak aho batez onartu du Espainiako Gobernuaren eskaera, eta, kautelazko neurri moduan, bertan behera utzi du ekainaren 25ean onartutako EBrekin Harremanen eta Kanpo Ekintzaren 2019-2022 Plan Estrategikoa (Estatu Kontseiluak ere abala eman zion eskariari).
Espainiako Gobernua Konstituzioaren 161.2 artikuluan oinarritu zen eskaria gauzatzeko, Plana berehalakoan bertan behera geratzeko; Kataluniako Gobernuak, abuztuan, ezezkoa eman zion jasotako aginpiderik ezaren errekerimenduari.
Erabakiak urriaren 28tik aurrera du eragina; izan ere, Espainiako Gobernuak orduan aurkeztu zuen eskumeneko kontu positiboa. Orain, Konstituzionalak Generalitateari eman dio aukera, egokitzat jotzen dituen dokumentuak eta alegazioak aurkez ditzan.
Hilaren 18an aurkaratu zuten
Espainiako Gobernuak hilaren 18an adostu zuen aurkaratzea Generalitatearen Kanpo Ekintzaren Plana Berme Auzitegiaren aurrean; izan ere, Estatuak kanpo-politikan dituen eskumenak hondatzen zituen, eta leialtasun konstituzionalaren hastapena urratzen zuen, berezko eskumenen erabilpenean.
Isabel Celaa Espainiako Gobernuaren bozeramaileak orduan argudiatu zuenez, planak ez du aipatzen kanpo-ekintzaren beste subjekturik, ez dio ezer ekintza hori koordinatzeko beharraz, eta ez dio Estatuari aipamenik egiten, ez eta horrek egiten duen koordinazio-lanari ere.
Horrez gain, , eta Estatu Kontseiluak zer zuen esana kontuan izanik, bozeramaileak nabarmendu zuen zein testuingurutan onartu zen plana: "Prozesu independentista bat zen" testuinguru hori, "eta horren asmoetako bat zen Espainiaren nazioarteko irudiari ospea kentzea".
Pedro Sanchezen Gobernuak, abuztuan, errekerimendua egin zion Generalitateari, kontu horien gainean ohartarazteko, baina Alfred Bosch Kanpo Ekintzako kontseilariak erantzun zuen Kataluniako Gobernuaren kanpo-politika "guztiz legezkoa, legitimoa eta beharrezkoa" dela, eta ez zuela asmorik aldatzeko planaren "koma bat ere".
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.