PSOEk ez du koaliziorik egingo PPrekin, eta gobernu aurrerakoia bilatuko du
Jose Luis Abalos PSOEren Antolakuntza idazkari eta Espainiako jarduneko Sustapen ministroak ohartarazi du bere alderdiak ez duela PPrekin koalizio handirik egingo, eta argi adierazi du aukera bakarra gobernu aurrerakoia bilatzea izango dela.
Alderdiaren Exekutiba Federalaren bileraren ostean, Ferrazen, eman duen prentsaurrekoan, Abalosek "zail"tzat jo du hauteskunde osteko egoera, eta "lan handia" eskatuko duela uste du. Baina argi adierazi du PSOEren konpromisoa dela "izaera aurrerakoia duen Gobernu bat" osatzen saiatzea.
Pedro Sanchez Gobernuko jarduneko presidenteak berehala deituko omen die gainerako buruzagi politikoei gobernua osatzeko bidean. Harreman horietan Pablo Casado PPren burua sartuko badu ere, Abalosek aitortu du ez duela PPren abstentziorik espero inbestiduran, eskuinean duen Vox alderdiaren "presioagatik", besteak beste.
Gainera, Abalosek oposizio eskuindarra PP eta Voxera mugatu du, Ciudadanos inbestidurarako laguntzaile izan daitekeela pentsatzen baitute. Horren harira, irtenbide posible bat Unidas Podemosen, Mas Paisen, talde txikien (independentistak izan ezik) eta Ciudadanosen babesa edukitzea izango litzatekeela adierazi du.
Abalosek esan du "posible" dela Gobernua osatzea independentisten laguntza behar izan gabe, hori izan baita PSOEren argudioetako bat bozak errepikatzeko. "Saiatzen jarraituko dugu, bakarrik bada ere, independentisten esku ez egoteko", berretsi du.
PSOEren 'hirugarrenak' baina, ez du baztertu uneren batean independentistekin hitz egitea, hasiera batean horiek gabeko akordioa bilatuko badute ere. "Kontua nola doan ikusten dugunean jakingo dugu zenbat hitz egin beharko dugun gainerako alderdi politikoekin", erantzun du.
PSE-EEren zuzendaritza bilera
Bestalde, PSE-EEk Espainiako "gobernagarritasunari bide emateko" deia egin die gainerako alderdiei, "Pedro Sanchezek gidatutako gobernu progresista bat osatzeko akordioak" adostea xede. Gainera, Voxen gorakada Ciudadanosi eta PPri egotzi die, ultraeskuineko politikak "zuritzeagatik".
Agiri batean, PSE-EEren zuzendaria pozik agertu da EAEko emaitzekin, lau diputatu eta bi senatari lortu dituztelako.
EAEko sozialistek "zentroko espazioa" errotzea galdegin die gainerako indarrei.
Zure interesekoa izan daiteke
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak izan dituzte Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta hark erantzun dio alderdiaren sortzailea "torturatu eta erbesteratu zuen diktadurako gobernuaren" parte zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.