Txapartegi estraditatzeko beste eskari bat bidali dio Espainiak Suitzari
Olivier Peter Nekane Txapartegiren abokatuak eman du estradizio eskariaren berri, bere Twitter kontuan: "Nekane Txapartegi Guardia Zibilak torturatutako eta Zurichen errefuxiatutako militante euskal herritarraren kontrako beste estradizio eskari bat bidali du Espainiak berriro. Jazarpen politikoa, bidegabeko prozedura eta torturapean lortutako frogak: Suitzak ez du konplize izan behar".
Espainiak Nekane Txapartegiren kontra aurkeztu duen estradizio eskaria salatzeko, 150 lagun mobilizatu ziren larunbatean, Zurichen (Suitza), Txapartegi bizi den hirian, Berria eta Naiz atariek aurreratu dutenez.
Free Nekane plataformaren arabera, astelehenean elkarretaratzea egingo dute Bernako epaitegien aurrean, 12:00etatik 14:00etara, Suitzako Justiziari Txapartegiren kontrako estradizio eskaria bazter dezala eskatzeko.
Maiatzean, Bernako auzitegi batera joan behar izan zuen Txapartegik, Espainiako Auzitegi Nazionalak irekitako auzi batengatik deklaratzera: Europan barrena ibiltzeko dokumentazio faltsua erabili izana egotzi zioten.
Txapartegik uko egin zion deklaratzeari, eta Free Nekane taldeak orduan aurreratu zuen Espainiak estradizio eskari bat aurkezteko asmoa zuela.
Zure interesekoa izan daiteke
Eneko Anduezak “oso zail” ikusten du EAJrekin akordioa lortzea lanpostu publikoetan euskara blindatzeko
PSEren buruak adierazi du “prest” daudela hitz egiteko, baina jeltzaleen proposamena zalantzan jarri du eta esan du “milaka herritarren eskubideen aurka” doala. Joseba Díez Antxustegik, EAJren bozeramaileak Eusko Legebiltzarrean, “albiste txarra” dela uste du, “bai herriarentzat, bai euskararentzat”.
Jose Antonio Agirre lehendakariaren Jaurlaritza omendu dute bere lehen egoitzan, Carlton hotelean
Imanol Pradales buru duen Gobernuak lehen Eusko Jaurlaritza omendu du, haren sorreraren 90. urteurrenean.
Sumarrek "iruzurra" egotzi dio Hezkuntzari 0-3 urteko plaza publikoak ez sortzeagatik, horretarako "Europako funtsak izan arren"
Sumarren legebiltzarkide Jon Hernandezek adierazi duenez, "252 plaza baino ez dira sortu, hau da, hitzartutakoaren % 16,6 besterik ez".
Barcenasek baieztatu du kartzelakide bati Rajoyrekin lotutako audioak suntsitzeko eskatu ziola
Luis Barcenas PPren diruzain ohiak berretsi egin du, Kitchen operazioa epaitzen ari den Auzitegi Nazionaleko auzitegian, kartzelakide bati "MRrekin, Mariano Rajoyrekin, lotutako audio batzuk suntsitzea" eskatu ziola.
Denis Itxaso: “Lokalak etxebizitza bihurtzeko baldintzen artean, bi fatxada izateko baldintza ezabatuko dugu, besteak beste”
Eusko Jaurlaritzak asteartean Gobernu Kontseiluan onartuko duen dekretu berriak etxebizitza politikako neurri sorta zabala martxan jartzea ekarriko du, azken hilabeteetan iragarritako ildo nagusiak garatzeko. Neurrien artean, lokalak etxebizitza bihurtzeko baldintzak malgutuko dira, eta horri esker, Jaurlaritzaren kalkuluen arabera, 7.500 lokal inguruk izango dute erabilera aldatzeko aukera Euskadin. Denis Itxasoren hitzetan, “orain arte bi fatxada edukitzea eskatzen zen lokal horiek etxebizitza bihurtzeko, baina hemendik aurrera ez da hori exijituko, eta beste hainbat baldintza ere malgutuko ditugu”.
Espainiako Gobernuak EBri eskatuko dio apur dezala Israelekin duen elkartze akordioa
"Nazioarteko zuzenbidea urratzen duen gobernu bat —eta, ondorioz, Europar Batasunaren printzipioak eta balioak urratzen dituena— ezin da Europar Batasuneko bazkide izan", azpimarratu du Sanchezek Andaluziako hauteskunde kanpainaurreko ekitaldi batean.
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.
Trebiñu Arabaren parte izan dadila aldarrikatu dute Argantzunen, Trebiñu Egunaren ospakizunean
EAJren presidente Aitor Estebanek ziurtatu du bere esku dagoen guztia egiten jarraituko duela Trebiñuko herritarrei "ahotsa emateko", eta Araban sartzeko duten "nahia" bete dadin.
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.