Legebiltzarkideen taldea Saharara joan da, atentatu alerta dagoen arren
Lau legebiltzarkidek osatutako 'Saharar Herriarentzat Bakea eta Askatasuna' izeneko taldeak larunbat arratsaldean eman dio hasiera Saharara egitekoa zuen bidaiari; hain zuzen ere, Aaiunera doaz, nahiz eta Espainiako jarduneko Gobernuak, ostegunean, alerta deitu zuen, Mendebaldeko Saharan berehalako atentatua egoteko arriskuaren berri emanez. EAJko Eva Juez, EH Bilduko Josu Estarrona, Elkarrekin Podemoseko Iñigo Martinez eta PPko Carmelo Barrio daude talde horretan.
Halaber, Nafarroako 60 bat borondatezko lankideko talde bat ere Saharara doa, Tindufera (Aljeria), Espainiako Gobernuak alerta leku hartan kokatu badu ere. Tindufen beste 90 euskal borondatezko lankide ere daude jada; ostiral gauean abiatu ziren Loiuko aireportutik, eta gorabeherarik gabe iritsi dira saharar kanpamentuetara.
Legebiltzarkideen asmoa Aaiunen abenduaren 3ra arte egotea da, hau da, asteartean bueltatzea Euskadira. Bidaiaren xedea bikoitza da: alde batetik, Nassa Elhaladi ekintzaile eta kazetariari laguntzea; bestetik, giza eskubideen alde lan egiten duten erakunde batzuekin batzarrak egitea. Nolanahi ere, Fronte Polisarioaren Euskadiko ordezkaritzaren iturriek adierazi dute Maroko taldearen lana oztopatzen saiatuko dela.
Fronte Polisarioak eta Saharako Errepublika Arabiar Demokratikoak alerta gaitzetsi dute
Fronte Polisarioak eta Saharako Errepublika Arabiar Demokratikoak, bitartean, Espainiako Gobernuak emandako alerta gaitzetsi dute. Jakinarazi dutenez, euren iritziz, Maroko egon liteke horren atzean. Saharako Errepublika Arabiar Demokratikoak zabaldu du "harrigarria eta susmatzeko modukoa" dela alerta zabaldu den unea; hain zuzen, Marokoko Atzerriko Arazoetarako ministro Nasser Bouritak Madrilen Pedro Sanchez espainiar presidenteari bisita egin eta berehala. Fronte Polisarioak, bere aldetik, adierazi du ez dagoela inolako nobedaderik Tindufeko kanpamentuetan.
Tindufera larunbat eguerdian iritsitako 90 euskal borondatezko lankideetako batzuek Saharako umeak hartzen dituzte udan, eta adingabeekin egun batzuk igarotzeko asmoz joan dira kanpamentuetara. Halaber, Saharara hainbat proiektutan lan egiteko asmotan ere joan dira beste ekintzaile batzuk.
Horiek guztiek euren bidaia asmoekin aurrera jarraitu duten arren, Espainiako Defentsa Ministerioak deitutako alertak Elorrioko Institutuko eta Debako Gaztelekuko 64 ikasle gaztek Saharara egitekoa zuten bidaia atzeratzea eragin du. Hala erabaki zuten gazteen senideek, ostiralean, Gobernu espainiarraren ohartarazpena publiko egin ostean.
Defentsa Ministerio espainiarrak ziurtatu du informazio oso zehatza duela atentatuak egoteko mehatxuarekin lotuta. Informazio hori "atzerriko inteligentzia zerbitzu batzuek" emandakoa dela zehaztu dute, eta hortaz, tartean ez dagoela "inolako asmo politikorik".
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.