Hauek dira De Miguel auziaren epaian ezarritako zigorrak
Arabako Probintzia Auzitegiak 13 urte eta hiru hilabeteko kartzela-zigorra ezarri dio Alfredo de Migueli, Arabako EAJko bigarrena eta foru diputatua izandakoari, hainbat delitu egotzita; besteak beste, legez kanpoko elkartea, funtzionario-eroskeria eta influentzia-trafikoa. Hala ere, Arabako Auzitegiak zehaztu duenez, De Miguel gehienez 9 urtez egongo da kartzelan.
Koldo Ochandiano Arabako EAJko kide ohiari zazpi urte eta erdiko kartzela-zigorra ezarri dio; Aitor Telleriari, alderdi horretako beste buruzagi ohiari, berriz, sei urte eta erdiko zigorra ezarri dio. Auzitegiak erabaki du askatasunaz gabetzeko zigorren gehienezko betetzea 6 urte eta 9 hilabetekoa izatea Otxandianorentzat, eta Telleriarentzat ez du ezer zehaztu.
Javier Sanchez Robles Gazteria zuzendaria izandakoari zazpi urte eta hilabeteko espetxe zigorra ezarri diote, dirua bidegabe erabiltzeagatik eta influentzia trafikoagatik.
Iñaki San Juan Leioako zinegotzi ohi eta kultur enpresariari bost urte eta hiru hilabeteko espetxe zigorra ezarri diote. Josu Montes kultur enpresariarentzat, berriz, lau urte eta lau hilabeteko espetxe zigorra ezarri du.
Jon Iñaki Echaburu eraikitzaileari bi urte eta bost hilabeteko espetxe zigorra ezarri diote, eta urtebete eta sei hilabetekoa Ainhoa Bilbaori, Alfredo de Miguelen emazteari.
Iratxe Gaztelu Urrutia Koldo Ochandianoren emazteari eta Sergio Fernandez Oleaga Stoa enpresako gerenteari urtebete eta sei hilabeteko espetxe zigorra ezarri die Arabako Probintzia Auzitegiak.
Josu Arruti Letamendia auziko "bitartekariarentzat" urtebeteko eta sei hilabeteko espetxe zigorra jarri dute, eta bederatzi hilabetekoa Jesus Arruti Odriozolarentzat, "bitartekariaren" aitarentzat.
Inhabilitazioen artean, Arabako Auzitegiak 14 urte ezarri ditu Julian Sanchez Alegria Euskadiko Parke Teknologikoen Sareko zuzendariarentzat; bederatzi urte Maria Justina Angulo Zambranako alkatearentzat; eta zortzi urte Alfonso Arriola Miñaoko parkeko gerentearentzat.
11 absolbitu, auziko 26 akusatuen artean
Arabako Probintzia Auzitegiak absolbitu egin ditu 26 akusatuetatik 11, tartean Gurutz Larrañaga Eusko Jaurlaritzako Kultura eta Gazteria sailburuorde ohia.
Hauek dira absolbitu dituzten beste kideak: Araceli Bajo, Miren Lourdes Bilbao, Aintzane de Miguel, Prudencio del Hierro, Estibaliz Arruti, Gorka Errasti, Francesc Fernandez, Placid Casas, Joaquin Sabater eta Ramon Tomas.
Arabako Probintzia Auzitegiak astearte honetan eman du jakitera auzi horren epaia, EAEn ustelkeria delituengatik egin den garrantzitsuenetariko bat eta duela hamar urte argitara atera zena.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.